Lev Samuiloviç Kleyn (rus. Лев Самуи́лович Клейн; 1 iyul 1927, Vitebsk – 7 noyabr 2019, Sankt-Peterburq) — sovet və rus tarixçisi, arxeoloq, mədəniyyət antropol

Lev Samuiloviç Kleyn (rus. Лев Самуи́лович Клейн; 1 iyul 1927, Vitebsk – 7 noyabr 2019, Sankt-Peterburq) — sovet və rus tarixçisi, arxeoloq, mədəniyyət antropoloqu, filoloq, elm tarixçisi. Tarix elmləri doktoru və professor. Sankt-Peterburqdakı Avropa Universitetinin qurucularından biridir.

Lev Kleyn
rus. Лев Самуилович Клейн
Doğum tarixi	1 iyul 1927(1927-07-01)
Doğum yeri	Vitebsk, Belorusiya Sovet Sosialist Respublikası, SSRİ
Vəfat tarixi	7 noyabr 2019(2019-11-07) (92 yaşında)
Vəfat yeri	Sankt-Peterburq, Rusiya
Elm sahələri	arxeologiya, Mədəni antropologiya, filologiya, Elm tarixi
Elmi dərəcələri	tarix elmləri doktoru, fəxri dərəcə
Elmi adı	professor[d]
İş yerləri	Sankt-Peterburq Dövlət Universiteti
Təhsili	Sankt-Peterburq Dövlət Tarix İnstitutu[d], Sankt-Peterburq Dövlət Universiteti
Elmi rəhbərləri	Vladimir Propp, Mixail Artamonov
Tanınır	nəzəri arxeologiyanın banilərindən biridir
klejn.archaeology.ru
Vikianbarda əlaqəli mediafayllar

Tələbəlik illərində, Nikolay Marrın müəllif olduğu və o vaxt hakim olan "Yafəs dilləri nəzəriyyəsini"nə qarşı çıxırdı, aspiranturaya daxil olduqdan sonra isə Kiyev Rus dövlətinin mənşəyi məsələsində Sovet arxeoloqlarının fikirlərinə hakim olan antinormanizmə qarşıydı. İyirmi il Leninqrad Universitetinin arxeologiya şöbəsində dərs keçirdi. Nəzəri arxeologiyanın əsasları üzərində işləyirdi; nəzəriyyə və tarixşünaslıq mövzularına aid işləri təkçə Sovet İttifaqında deyil, həm də Qərbdə də fəal şəkildə nəşr edilirdi. 1981-ci ildə SSRİ Dövlət Təhlükəsizlik Komitəsi alimə qarşı cinayət işi başlatdı və o, məhkum edildi.

1982-ci ildə sərbəst buraxıldıqdan sonra Kleyn akademik dərəcəsindən və fəxri addan məhrum edildi, onu işə qəbul etmirdilər və dərs deməyə icazə verilmirdi. Yalnız yenidənqurma illərində xaricdə müəllimlik etməyə başladı və SSRİ-nin dağılmasından sonra Sankt-Peterburq Dövlət Universitetində professor oldu və 1997-ci ilə qədər Avropa Universitetində dərs deyirdi. 70 yaşında təqaüdə çıxdıqdan sonra Kleyn xarici universitetlərdə müəllimliyi davam etdirdi. 21-ci əsrin əvvəllərində, bir çoxu 1970–80-ci illərdə düşünülmüş və qismən yazılmış əsərləri fəal şəkildə nəşr etdirməyə başladı.