Ayşən Bayramova (24 dekabr 1998, Çita) — Azərbaycan bədii gimnastı. Azərbaycanı 2015 Avropa Oyunlarında təmsil etmişdir. Müxtəlif illərdə Dünya Kubokları və Gra

Ayşən Bayramova 24 dekabr 1998-ci ildə Rusiyanın Çita şəhərində anadan olmuşdur. 2007-ci ildə bədii gimnastika ilə məşğul olmağa başlamışdır. Bakı şəhəri 145 nömrəli tam orta məktəbi bitirmişdir. 2017-ci ildə Azərbaycan Dövlət Bədən İdman Akademiyasina daxil olmuşdur.

Azərbaycan çempionatında 2013-cü ildə — bürünc (çoxnövçülük), bürünc (halqa, top); Bakı Birinci Liqası 2014 — bürünc (qürzlər); Qran Pri 2017 qrup hərəkətlərində — gümüş (çoxnövçülük), qızıl (5 halqa), qızıl (ip və top); Qran Pri 2018 Qrup hərəkətlərində — bürünc (çoxnövçülük); Qran Pri 2019 Qrup hərəkətlərində — gümüş (halqa və qürzlər) medal qazanmışdır.

Ayşən Bayramova 2015-ci ildə Azərbaycanı 2015 Avropa Oyunlarında təmsil etmişdir. 2018-ci ildə Avropa çempionatı bürünc mükafatçısı olmuşdur. Müxtəlif illərdə çoxsaylı Dünya Kubokları və Grand Prix mükafatçısı olmuşdur.

Bakı Dünya Kuboku 2018 qrup hərəkətlərində — bürünc (halqa); Portimao 2018 Dünya Kuboku qrup hərəkətlərində — bürünc (çoxnövçülük), gümüş (halqa) və qızıl (top və ip); Pesaro 2015 — bürünc (halqa); Kale 2015 — qızıl; Budapeşt 2015 — gümüş (çoxnövçülük) və qızıl (top, lent); Buxarest 2015 — bürünc (çoxnövçülük) və gümüş (halqa, qürzlər) medal qazanmışdır.

2019-cu il Bakı şəhərində təşkil olunmuş Dünya Çempionatında Azərbaycan qrupu üçün Tokio 2020 Olimpiya oyunlarına lisenziya qazanmışdır.