Bill Klinton (ing. William Jefferson "Bill" Clinton; 19 avqust 1946[…]) — Amerika Birləşmiş Ştatlarının 42-ci prezidenti (1993–2001). O, Franklin Delano Ruzvelt

Bill Klinton
Bill Klinton
	ing. Bill Clinton
ABŞ-nin 42-ci prezidenti
	20 yanvar 1993 – 20 yanvar 2001
Vitse-prezident	Albert Qor
Əvvəlki	Corc Herbert Uoker Buş
Sonrakı	Corc Uoker Buş
Şəxsi məlumatlar
Doğum adı	William Jefferson Blythe III
Doğum tarixi	19 avqust 1946[…] (79 yaş)
Partiya	ABŞ Demokratlar Partiyası;
Təhsili	Universitet kolleci (Oksford)[d] (1968–1970),; Yel Hüquq Məktəbi (1970–1973);
Fəaliyyəti	siyasətçi, vəkil, diplomat, avtobioqraf[d], yazıçı, müəllim, dövlət xadimi, saksofonçu[d], qubernator, hüquqşünas
Həyat yoldaşı	Hillari Klinton (1975);
Dini	metodizm
Elmi fəaliyyəti
Elm sahəsi	siyasət, hüquqşünaslıq
Təltifləri	; ;
	clintonlibrary.gov
	Vikianbarda əlaqəli mediafayllar

Bill Klinton (ing. William Jefferson "Bill" Clinton; 19 avqust 1946^[…]) — Amerika Birləşmiş Ştatlarının 42-ci prezidenti (1993–2001). O, Franklin Delano Ruzveltdən sonra Demokratlar partiyasından iki dəfə ard-arda seçilmiş ilk prezidentdir. Onun prezidentliyi dövründə ABŞ öz tarixinin ən sülhsevər ve parlaq iqtisadi dövrlərindən birini yaşamışdır. Bununla yanaşı, onun hakimiyyəti dövründə ABŞ Yuqoslaviyaya qarşı (1999) genişmiqyaslı hərbi kampaniya təşkil etmişdir.

1998-ci ildə mətbuatda Bill Klintonun öz katibəsi Monika Levinski ilə 1996-cı ildə olan intim əlaqələri barədə məlumatlar yayıldı. Bu xəbərlər prezidentin qeyd olunan məsələ ilə bağlı yalan danışdığı iddialarına səbəb oldu və ona qarşı impiçment prosedurunun başlanması ilə nəticələndi, lakin sonda ABŞ Senatı impiçment tələbini rədd edən qərar qəbul etdi. Bununla da Bill Klinton ABŞ tarixində məsuliyyətə cəlb olunan 3-cü ABŞ Prezidenti oldu. Belə ki, 1868-ci ildə Endrü Conson impiçmentə məruz qalsa da vəzifəsini saxlaya bilmiş, 1974-cü ildə isə Riçard Nikson impiçment prosedurunu gözləmədən istefa vermişdi.

Həyatı

Klinton,19 avqust 1946-cı ildə Arkanzasın Hop şəhərində dünyaya gəlib. Doğumundan 3 ay sonra atası nəqliyyat qəzasında ölüb.4 yaşında olarkən anası Billin ögey atası Rocer Klinton ilə evlənir. Uillam Ceferson öz istəyi ilə ögey atasının soyadını qəbul edir. 1968-ci ildə Corctaun Universitetindən məzun olduqdan sonra Oksford universitetində təhsilini davam etdirib.1973-cü ildə Yale universitetinin hüquq dipmlomunu aldıqdan sonra siyasətə atılıb. İlk dəfə seçimlərə Arkanzasda girdi və uğursuz oldu. Bir il sonra Hillari Rodham ilə evləndi və Çelsi adlı qızları oldu. 1992-ci ildə prezidentlik müddəti bitmək üzrə olan Corc. H. U. Buşu məğlub edərək ABŞ-nin 42-ci prezidenti oldu.