Tindarey (q.yun. Τυνδάρεος) — Sparta padşahı, Ledanın əri, Klitemnestra və Kastoranın atası. O, Periyer və Qorqofonanın oğludur, digər versiyaya görə, onların n

Tindarey (q.yun. Τυνδάρεος) — Sparta padşahı, Ledanın əri, Klitemnestra və Kastoranın atası. O, Periyer və Qorqofonanın oğludur, digər versiyaya görə, onların nəvəsidir, valdeyinləri isə Ebal və Batiya idilər. "Odisseya" əsərində adı çəkilir, "İliada"da" isə yox.

Tindarey
q.yun. Τυνδάρεος
Cinsi	kişi
Qardaşı və bacısı	İkari (Penelopanın atası)
Arvadı	Leda
Uşaqları	Klitemnestra
Vikianbarda əlaqəli mediafayllar

Hippokoont tərəfindən qovulmuşdur, Festinin yanına qaçmışdır və onun qızı Leda ilə evlənmişdir. Başqa rəvayətə görə, Messeniyada məskunlaşmışdır və onun övladlarından hamısı burada doğulmuşdular. Bəzi mənbələrdə onun Lakonikanın Pellan şəhərində yaşadığı qeyd olunur. Hippokoonta qalib gələn Herakl ona Lakedomona padşahlığını təhvil verdi. Heraklidlərin sözlərinə görə, Tindarey ərazini Herakla verdi, o da öz növbəsində ölkəni Tindareyə əmanət etdi.

Tindarey və Ledanın övladları bunlar idilər: Timandra, Klitemnestra, Filonoya və Kastor (Polidevk və Yelenanı Leda Zevsdən doğmuşdur). Odisseydən məsləhət alaraq Tindarey adaxlı seçimini Yelenanın özünə həvalə etdi və o, Menelaya çələng qoydu. Tindarey atı qurban edərək nikah namizədlərini and içdirirdi, onları qurbanlıq heyvanın kəsilmiş parçaları üzərində dayanmağa məcbur edirdi. "Atın qəbir abidəsi" Sparta yaxınlığında nümayiş olunurdu.

Bir dəfə Afroditaya qurban gətirməyi unutdi və tanrıça onun qızlarını çoxərliliyə məhkum etdi. O, Fiyesti qovaraq Aqamemnona Mikena padşahlığını qaytardı. Sparta hakimiyyətini Menelaya təslim etdi və ya vəfatından sonra hakimiyyət Menelaya qaldı. Paniasidə görə, Asklepi onu həyata qaytardı. Digər mənbələrə görə, ana qətlinə görə Orestesi məhkəməyə verir və Orestes qovulur.

Onun Spartadakı Zevs Kosmet məbədində qəbir daşı var. Sofoklun "Tindarey", Evripidin "Orestes" və Nikomaxın "Tindarey" faciə əsərlərin qəhramanıdır.