Aqop Balyan (erm. Հակոբ Բալյան; 4 avqust 1838 və ya 1837, Konstantinopol, Osmanlı imperiyası – 12 noyabr 1875 və ya 1875, Paris) — erməni əsilli Balyan ailəsinə

Aqop Balyan
Aqop Balyan
	q.erm. Հակոբ Պալեան
Şəxsi məlumatlar
Doğum tarixi	4 avqust 1838 və ya 1837
Doğum yeri	Konstantinopol, Osmanlı imperiyası;
Vəfat tarixi	12 noyabr 1875 (37–38 yaşında) və ya 1875 (36–38 yaşında)
Vəfat yeri	Paris;
Dəfn yeri	Per-Laşez qəbiristanlığı;
Fəaliyyəti	memar
Atası	Karpet Balyan
Ailəsi	Balyan ailəsi

Aqop Balyan (erm. Հակոբ Բալյան; 4 avqust 1838 və ya 1837, Konstantinopol, Osmanlı imperiyası – 12 noyabr 1875 və ya 1875, Paris) — erməni əsilli Balyan ailəsinə mənsub Osmanlı memarı.

Həyatı

Saray memarlarından Karpet Balyanın oğlu olub, 4 avqust 1837-ci ildə İstanbulda dünyaya gəldi. İlk təhsilini tamamladıqdan sonra 1855-ci ildə Parisə göndərildi və burada memarlıq təhsili aldı. 1858-ci ildə memarlıq abidələrini araşdırmaq üzrə getdiyi Venesiyada qardaşı Nikoqos bəyin ölüm xəbərini aldı və dərhal İstanbula qayıtdı. Döndükdən sonra atasının yanında çalışdı və burada təcrübə qazandı. 1866-cı ildə atasının vəfatının ardından böyük qardaşı Sarkislə birlikdə saray memarlığına təyin edildi.

Avedis Bahçevanyanın qızı Pembe xanımla evli olub, xanımının 1873-cü ildə doğuş əsnasında vəfat etməsinin ardından öz səhhəti də pisləşmişdir. Bütün işlərdən əlini çəkən Aqop bəy Avropa şəhərlərini gəzməyə başladı və 12 noyabr 1875-ci ildə Parisdə ikən gənc yaşda vəfat etdi.

Teatr və incəsənətə marağı səbəbilə bir çox sənətkarı və ədibi himayə etdiyi bilinir. 1870-ci ildə Ortaköydəki erməni teatrının binasını inşa etdi. Bir çox fransız ədiblərinin əsərlərini erməni dilinə tərcümə etdirmişdir.