Qorxmaz Cahangir oğlu İmanov (17 aprel 1941, Bakı) — AMEA-nın müxbir üzvü (2017), iqtisad elmləri doktoru, professor, İspaniya Kral Akademiyasının akademiki.

Qorxmaz İmanov 1941-ci il aprelin 17-də Bakı şəhərində anadan olub. 1958-ci ildə Bakı şəhər 199 saylı orta məktəbi bitirmişdir. 1964-cü ildə Azərbaycan Dövlət Universitetinin İqtisad fakültəsini bitirib, iqtisadçı diplomu almışdır. 1964–1967-ci illərdə Moskva şəhərində SSRİ Elmlər Akademiyasının Mərkəzi iqtisadi-riyaziyyat institunun aspiranturasında təhsil alıb, 1968-ci ildə həmin institutda iqtisad elmləri namizədi alimlik dissertasiyası müdafiə etmişdir. 1968-ci ilin yanvar ayından 1969-cu ilin mart ayına qədər Azərbaycan SSR EA Kibernetika institutunda kiçik elmi işçi işləmişdir. 1969–1971-ci illərdə D. Bünyadzadə adına Azərbaycan Xalq Təsərrüfatı institutunda baş müəllim və dosent vəzifələrində çalışmışdır. 1971-ci ilin sentyabrında yenidən Azərbaycan EA Kibernetika institutuna baş elmi işçi vəzifəsinə gəlmişdir. 1975-ci ildə SSRİ EA Mərkəzi iqtisadi-riyaziyyat institunda iqtisad elmləri doktorluq dissertasiyasını müdafiə etmişdir. 1974-cü ilin avqust ayından 1987-ci ilin dekabrına qədər Kibernetika institutunda laboratoriya və sonra şöbə müdiri vəzifəsində çalışmışdır. 1983-cü ildə iyun ayından professor elmi adına və 1984-cü ildə elm və texnika sahəsində Azərbaycan SSR Dövlət mükafatına layiq görülmüşdür. 1987–1993-cü illərdə Azərbaycan Dövlət Plan Komitəsinin və sonralar İqtisadiyyat Nazirliyinin Elmi–tədqiqat İqtisadiyyat institutunun müdiri vəzifəsində çalışmışdır. 1993–1998-ci illərdə Rusiya Elmlər Akademiyasının Bazar problemləri institutunda çalışmışdır. 1999–2000-ci illərdə Azərbaycan Respublikası İqtisadiyyat Nazirliyində baş müşavir vəzifəsində çalışmışdır. 2001-ci ildən hal-hazırkı dövrə qədər AMEA Kibernetika İnstitutunda, əvvəllər baş elmi işçi və laboratoriya rəhbəri vəzifəsində çalışır. 2017-ci ildə Azərbaycan Milli Elmlər Akademiyasının Rəyasət Heyətinin müxbir üzvü seçilmişdir.

260-dan artıq elmi əsərləri, o cümlədən 120-dən artıq xaricdə məqaləsi nəşr etdirilmişdir. 33 fəlsəfə doktoru, 3 elmlər doktoru yetişdirmişdir. Bundan başqa 13 monoqrafiyanın müəllifidir.

Ailəlidir. İki övladı var — Tahir və Cabir İmanovlar.

• Sosial-iqtisadi sistemlərin planlaşdırma modellərin inteqrallaşdırılmış sistemi.
• İqtisadi sistemlərin struktur-funksional modeli, xalq təsərrüfatı balanslarının inteqrallaşdırılmış sistemi.
• Fazi iqtisadiyyat

• İmanov Q. C. İqtisadiyyatın proqnozlaşdırma modelləri. Bakı, "Elm", 1988 (rus.).
• İmanov Q. C. İqtisadi sistemlər modelləri. Bakı, "Elm", 1983 (rus).
• İmanov Q. C. İttifaq respublikanın xalq təsərrüfat balansının inteqrallaşdırılmış sistemi, Moskva, SSRİ EA MİRİ, 1981 (rus).
• İmanov Q. C., Həsənli Y. Azərbaycan Respublikasının sosial-iqtisadi inkişafının modelləri, 2001"Elm" (az).
• İmanov Q. C., N. F. Tağıyev, F. C. Məmmədov. Müasir iqtisadiyyat. Neyron şəbəkələri. Fazi məntiq. Azərbaycan Respublikası, 2003 "Elm" (az).
• G. C. İmanov. "Fuzzy estimation of quality of socioeconomic system, Real Academia de Ciencias Economicas y Financieras, Barcelona, Spain, 2013, 68 p.
• Иманов К. Д., Акперов Р. М. "Нечеткие модели оценки качества социальных систем", Lambert Academic Publishing, 2013, 69 с.
• G. C. İmanov. Fuzzy Approach to the Estimation to the Ecological Sustainability index and investments distribution, A. M. S. E journals, Series D, Computer Science and statistics, p. 14, 2011
• Economy and society, Eserp, School of Business and Social Sciences, Scientific Collection of Economic, Legal and Social Sciences, Barcelona, Spain, 2015, 140 p., Jose Daniel Barquero Cabrero.
• Models estimation of national social and human capital qualities, Decision making and knowledge decision support systems, eds. Gil-Lafuente, Zopounidis, Springer, Switzerland, 2015, pp.11-18.
• Models for Evaluating the Quality of the National Sustainable Development Strategy(in Russian). LAP Lambert Academic Publishing, Germany, 2016, 115 p.
• Fuzzy Models in Economics. Springer Nature Switzerland AG, 2021, 113 p.

• Fuzzy estimation of quality of socioeconomic system
• Нечеткие модели оценки качества социальных систем
• Проблемы экономической неопределенности и FUZZY модели
• Nuevos mercados para la recuperacion economica: Azerbaiyan

• AMEA-nın İdarəetmə Sistemləri İnstitutu