Nearktika biocoğrafi regionu və ya Nearktika ekozonu — Qrenlandiya, Şimali Amerika və Meksikanın şimal regionlarını əhatə edən biocoğrafi region. Şimali Amerika

Nearktika biocoğrafi regionu və ya Nearktika ekozonu — Qrenlandiya, Şimali Amerika və Meksikanın şimal regionlarını əhatə edən biocoğrafi region. Şimali Amerikada Xərçəng tropik xəttinin şimalı, Nyufaundlend, Arktik qütb adaları və Qrenlandiya bu regiona daxildir.

Palearktika və Nearktika regionları Berinq boğazı vasitəsilə növlərin keçidinə şərait yaratdığı üçün bir-birinə oxşar xüsusiyyətlər göstərirlər. Buna görə bəzi tədqiqatçılar tərəfindən onlar Holarktik biocoğrafi regionu adı ilə vahid region hesab edilirlər.

Palearktika dörd sub regiona ayrılır:

• Şimal sub regionu
• Şərq sub regionu
• Mərkəzi Qərb sub regionu
• Sakit okean sahili sub regionu

Palearktikada ayılar, qütb tülküsü, bizonlar kimi heyvanlarla yanaşı, oranın özünə məxsus olan növlər də yayılmışdır: dağ pişiyi, çöl siçanı, kisəli ayı, hind kərtənkələsi, mavi qarğa, kol quşu.

Bundan başqa, regionda adi şimal maralı, şimal maralı (sığın), Amerika haçabuynuzu, Kanada maralı, çöl canavarı, ağ ayı, qonur ayı, puma, skuns, Amerika dovşanı, şimal yenotu, qütb suitisi, Kaliforniya dəniz aslanı, dəniz samuru kimi digər növlərə də rast gəlinir. Müşk öküzü Qrenlandiyaya adaptasiya etmiş bir növdür.

Sürünənlərdən Missisipi alliqatoru və almaz zınqırovlu ilanı əhəmiyyətlidir. Quşlardan isə Kanada ördəyi, qaqar, qütb ördəyi diqqət çəkir.