Katerin Eliz "Keyt" Blanşett (ing. Catherine Élise «Cate» Blanchett) — Avstraliya aktrisa. İki dəfə Oskar, üç dəfə BAFTA və üç dəfə Qızıl qlobus mükafatı qazanm

Keyt Blanşett 1969-cu ilin mayın 14-də Avstraliyanın Melburn şəhərində anadan olub. Atası Robert Blanşett əslən Texasdan olub, dənizçi zabiti idi. Keytin 10 yaşı olanda atası ürək xəstəliyindən vəfat edir və üç uşağın — Keyt, böyük qardaşı Bob və kiçik bacısı Jenevyevanın yükü ananın çiyinlərinə düşür. Keyt Melburn şəhərində yerləşən Qadın Metodika Kollecində təhsil alıb, sonra isə Melburn Universitetində təhsilini davam etdirib. O, tezliklə təhsilini yarımçıq qoyur və İngiltərəyə səyahət edir. Vizasının vaxtı bitdikdə Keyt Misirə yollanır və burada mehmanxana qonaqlarından biri ona Misir filmində bir səhnəyə çəkilməyi təklif edir. Keyt pula ehtiyacı olduğu üçün təklifi qəbul edir. Bu təsadüfi rol onun üçün teatr və kino səhnəsinə gedən yolun başlanğıcı olur. Keyt daha sonra Avstraliyaya qayıdır və Milli Dram İncəsənəti İnstitutuna daxil olur. 1997-ci ildə "Qağayı" pyesinin məşqləri zamanı aktrisa ssenarist və montaj redaktoru Endrü Aptonla tanış olur və bir ildən sonra evlənir. 2004-cü ildə aktrisa ikinci uşağa hamilə olduğundan "Yaxınlıq" filmində fotoqraf Anna Kameron rolundan imtina edir. Nəticədə filmə Culiya Roberts çəkilir.

Blanşett 1997-ci ildə ssenarist Andreu Upton ilə evlənmişdir. 5 uşağı var.

• "Yelizaveta" filmindəki roluna görə BAFTA və "Qızıl qlobus" mükafatlarına layiq görülür.
• "Aviator" və "Blue Jasmine" filmlərində oynadığı rol isə ona "Oskar" mükafatı gətirir.

İl	Film
2001	Üzüklərin hökmdarı: Üzük qardaşlığı
2002	Üzüklərin hökmdarı: İki qala
2003	Üzüklərin hökmdarı: Kralın qayıdışı
2003	Babil
2004	Aviator
2013	Jasmin
2015	Zoluşka

	Vikianbarda Keyt Blanşett ilə əlaqəli mediafayllar var.