Həsən Mehdi oğlu Seyidbəyli (22 dekabr 1920, Bakı – 25 iyun 1980, Bakı) — Azərbaycan nasiri, kinodramaturq, kinorejissor, Azərbaycan Yazıçılar Birliyinin üzvü (

Həsən Seyidbəyli
Həsən Seyidbəyli
Azərbaycan Kinematoqrafçılar İttifaqı İdarə Heyətinin birinci katibi
	23 dekabr 1964 – 1981
Sonrakı	Rüstəm İbrahimbəyov
Şəxsi məlumatlar
Doğum tarixi	22 dekabr 1920
Doğum yeri	Bakı, Bakı qəzası, Azərbaycan SSR;
Vəfat tarixi	25 iyun 1980 (59 yaşında)
Vəfat yeri	Bakı, Azərbaycan SSR, SSRİ;
Partiya	Sovet İttifaqı Kommunist Partiyası;
Təhsili	Sergey Gerasimov adına Ümumrusiya Dövlət Kinematoqrafiya Universiteti,; Sankt-Peterburq Dövlət Kino və Televiziya Universiteti[d];
Fəaliyyəti	kinorejissor, yazıçı, ssenarist
Uşaqları	Mehdi Seyidbəyli[d],; Məryəm Seyidbəyli;
Təltifləri	;
	Vikianbarda əlaqəli mediafayllar

Həsən Mehdi oğlu Seyidbəyli (22 dekabr 1920, Bakı – 25 iyun 1980, Bakı) — Azərbaycan nasiri, kinodramaturq, kinorejissor, Azərbaycan Yazıçılar Birliyinin üzvü (1946), Azərbaycan SSR xalq artisti (1976).

Həyatı

Həsən Seyidbəyli 22 dekabr 1920-ci ildə Bakı şəhərində anadan olmuşdur. Burada 132 saylı şəhər orta məkətbini bitirmişdir. Həsən Mehdi oğlu Seyidbəyli 1938–1939-cu illərdə Leninqrad Kino Mühəndisləri İnstitutunda, 1943–1951-ci illərdə Moskvada Ümumittifaq Dövlət Kinematoqrafiya İnstitutunun kinorejissorluq fakültəsində təhsil almışdır. "Azərbaycanfilm" kinostudiyasında kinorejissor, 1963–1980-ci illərdə Azərbaycan Kinematoqrafçılar İttifaqının katibi və sədri vəzifəsində işləmişdir. "İmtahan", "Qızıl axtaranlar", "Bağlı qapılar" adlı dram əsərləri Azərbaycanda və xaricdə səhnəyə qoyulmuşdur. "Kür sahillərində" (1953), "Bizim Astrada" (1956), "Telefonçu qız" (1960) povestləri, "Cəbhədən-cəbhəyə" (1961), "İllər keçir" (1973, İ. Qasımovla birgə), "Tərsanə" (1975), "Çiçək" (1978) romanları, "Dəniz cəsurları sevir" (1954), "Sən nə üçün yaşayırsan" (1959, hər ikisi İ. Qasımovla birgə) pyesləri müasirlərinin əməyindən, mənəvi-əxlaqi saflığından bəhs edir. "Uzaq sahillərdə" (1954, İ. Qasımovla birgə) romanı Sovet İttifaqı Qəhrəmanı M. Hüseynzadəyə həsr olunmuşdur. Əsərləri bir sıra xarici dillərə tərcümə edilmişdir.

Həsən Seyidbəyli 1963–1980-ci illərdə Azərbaycan Kinematoqrafçılar İttifaqı İdarə Heyətinin I katibi olmuşdur.

Filmləri Ümumittifaq Kino festivallarında mükafat və diplomlara layiq görülmüşdür.

Film Fondunda rejissor Həsən Seyidbəylinin şəxsi arxivi yaradılmışdır.

Təltif və mükafatları

"Azərbaycan SSR xalq artisti" fəxri adı — 23 dekabr 1976^[⇨]
"Azərbaycan SSR əməkdar incəsənət xadimi" fəxri adı — 24 may 1960^[⇨]
"Qırmızı əmək bayrağı" ordeni — 31 dekabr 1970
"Şərəf nişanı" ordeni — 9 iyun 1959

Filmoqrafiya

Həsən Seyidbəylinin xatirə lövhəsi (Bakı)

Bakıdan Göy-gölədək (film, 1947) – rejissor
Böyük yol (film, 1949) – rejissor
Quba bağlarında və Tərtərçay vadisində (film, 1949) – rejissor, ssenari müəllifi
Doğma xalqıma (film, 1954) – ssenari müəllifi
Qızmar günəş altında (film, 1957) – ssenari müəllifi
Uzaq sahillərdə (film, 1958) – ssenari müəllifi
Şosedə hadisə (film, 1960) – ssenari müəllifi
Əyri yolla qazanc (film, 1960) – ssenari müəllifi
Telefonçu qız (film, 1962) – quruluşçu rejissor, ssenari müəllifi
Möcüzələr adası (film, 1963) – quruluşçu rejissor, ssenari müəllifi
Cazibə qüvvəsi (film, 1964)(film, kinoalmanax) – rejissor, ssenari müəllifi, "sədr" rolunda
Liftçi qız (film, 1966)(film, kinoalmanax) – ssenari müəllifi
Sən niyə susursan? (film, 1966) – quruluşçu rejissor, ssenari müəllifi
Bizim Cəbiş müəllim (film, 1969) – rejissor
O qızı tapın (film, 1970) – quruluşçu rejissor, ssenari müəllifi
Sovet Azərbaycanı (film, 1972) – ssenari müəllifi
Nəsimi (film, 1973) – quruluşçu rejissor; Filmdə İmaməddin Nəsimi ilə bağlı fikirlər söyləyir.
Ömrün səhifələri (film, 1974) – quruluşçu rejissor, ssenari müəllifi, bədii rəhbər
Xoşbəxtlik qayğıları (film, 1976) – rejissor, ssenari müəllifi
Çətirimiz buludlardır (film, 1976) – bədii rəhbər
Kamillik (film, 1979) – ssenari müəllifi
Toral və Zəri (film, 1979) – ssenari müəllifi
Onun bəlalı sevgisi (film, 1980) – bədii rəhbər
Sağ ol, dostum (film, 1980) – ssenari müəllifi
Kinorejissor Həsən Seyidbəyli (film, 2002) – Film Həsən Seyidbəyliyə həsr olunmuşdur.
Kinonu sevən adam. Həsən Seyidbəyli (film, 2015) – Film Həsən Seyidbəyliyə həsr olunmuşdur.