Fallout — "Interplay Entertainment" tərəfindən yaradılan postapokaliptika mövzusunda rol videooyunlar və daha sonra döyüş rol oyunları seriyası. Seriyanın hadis

Fallout
Fallout
	Seriyanın loqosu
Janrlar	1997–2004:; Rol; 2004-cü ildən:; Döyüş rol;
Yaradıcılar	Interplay Entertainment; Black Isle Studios; Micro Forté; Bethesda Game Studios; Obsidian Entertainment;
Nəşrçilər	Interplay Entertainment; (1997–2004); 14 Degrees East; (2001); Bethesda Softworks; (2004-cü ildən);
Müəlliflər	Tim Keyn
Platformalar	DOS; Microsoft Windows; Mac OS; Mac OS X; PlayStation 2; PlayStation 3; PlayStation 4; Xbox; Xbox 360; Xbox OneiOS; Android;
İlk buraxılış	Fallout; 10 oktyabr 1997
Son buraxılış	Fallout 76; 14 noyabr 2018
Rəsmi vebsaytı	fallout.bethsoft.com

Fallout — "Interplay Entertainment" tərəfindən yaradılan postapokaliptika mövzusunda rol videooyunlar və daha sonra döyüş rol oyunları seriyası. Seriyanın hadisələri XXI, XXII və XXIII əsrlərdə cərəyan edir və onun nüvəpank retrofuturistik mövsuzu ilə incəsənəti 1950-ci illər ABŞ-nın müharibə sonrası mədəniyyətindən ilhamlanmışdır. "Fallout" seriyasının sələfi, onun mənəvi varisi olduğu hesab edilən 1988-ci ildə satışa çıxarılmış "Wasteland" videooyunudur.

Seriyanın birinci epizodu olan "Fallout" videooyunu "Black Isle Studios" tərəfindən istehsal olunmuş və 1997-ci ildə satışa çıxarılmışdır. Bunun ardından sonrakı il onun sikveli olan "Fallout 2" satışa çıxarılmışdır. "Fallout Tactics: Brotherhood of Steel" taktiki rol videooyununun istehsalından "Micro Forté" və "14 Degrees East" studiyaları məsul olmuşdur. "Interplay" 2004-cü ildə "Black Isle Studios" studiyasını ləğv etmiş və studiya olmadan PlayStation 2 ilə Xbox üçün rol oyunu elementlərinə malik bir döyüş oyunu olan "Fallout: Brotherhood of Steel"i istehsal etmişdir. Əsas seriyanın üçüncü epizodu olan "Fallout 3" videooyunu "Bethesda Softworks" tərəfindən istehsal olunmuş, bundan sonra isə "Obsidian Entertainment" tərəfindən hazırlanan "Fallout: New Vegas" satışa çıxarılmışdır. "Bethesda" 2015-ci ildə "Fallout 4", 2018-ci ildə "Fallout 76" videooyununu satışa çıxarmışdır.

"Fallout" əqli mülkiyyətinin sahibi "Bethesda Softworks" şirkətidir. "Bethesda" seriyanı satın alındıqdan sonra "Fallout"un kütləvi çoxnəfərli onlayn rol oyunu (MMORPG) versiyasını istehsal etmək hüququnu "Interplay" şirkətinə lisenziyalaşdırmışdır. Oyun "Interplay" tərəfindən beta mərhələsinə çatdırılmış, lakin sonradan iki şirkət arasında yaranan mübahisə səbəbilə ləğv edilmişdir.

Videooyunlar

Əsas seriya


Başlıq	İstehsalçı	Yayımçı	Buraxılış tarixləri və platformalar
Fallout	Black Isle Studios	Interplay Entertainment	1997 — MS-DOS, Windows, Mac OS 2002 — macOS
Fallout 2	Black Isle Studios	Interplay Entertainment	1998 — Windows macOS
Fallout 3	Bethesda Game Studios	Bethesda Softworks	2008 — Windows, PlayStation 3, Xbox 360
Fallout 4	Bethesda Game Studios	Bethesda Softworks	2015 — Windows, PlayStation 4, Xbox One 2017 — HTC Vive

Spin-offlar


Başlıq	İstehsalçı	Yayımçı	Buraxılış tarixləri və platformalar
Fallout Tactics: Brotherhood of Steel	Micro Forté	Interplay Entertainment	2001 — Windows
Fallout: Brotherhood of Steel	Interplay Entertainment	Interplay Entertainment	2004 — PlayStation 2, Xbox
Fallout: New Vegas	Obsidian Entertainment	Bethesda Softworks	2010 — Windows, PlayStation 3, Xbox 360
Fallout Shelter	Bethesda Softworks Behavior Interactive	Bethesda Softworks	2015 — Android, iOS 2016 — Windows 2017 — Xbox One 2018 — PlayStation 4, Nintendo Switch
Fallout 76	Bethesda Game Studios	Bethesda Softworks	2018 — Windows, PlayStation 4, Xbox One

Ləğv edilmiş videooyunlar


Başlıq	İstehsalçı
Fallout Extreme	14 Degrees East
Fallout Tactics 2	Micro Forté
Van Buren	Black Isle Studios
Fallout: Brotherhood of Steel 2	Interplay Entertainment
Project V13 (Fallout Online)	Interplay Entertainment Masthead Studios

Əlavə məzmunlar


Orijinal videooyun	Əlavənin başlığı	Buraxılış tarixləri və platformalar
Fallout 3	Operation: Anchorage	2009 — Windows, PlayStation 3, Xbox 360
	The Pitt
	Broken Steel
	Point Lookout
	Mothership Zeta
Fallout: New Vegas	Dead Money	2010 — Xbox 360 2011 — Windows, PlayStation 3
	Honest Hearts	2011 — Windows, PlayStation 3, Xbox 360
	Old World Blues
	Lonesome Road
	Gun Runners’ Arsenal
	Courier’s Stash
Fallout 4	Automatron	2016 — Windows, PlayStation 4, Xbox One
	Wasteland Workshop
	Far Harbor
	Contraptions Workshop
	Vault-Tec Workshop
	Nuka-World

Ekranlaşdırılma

"Fallout" üçün bir film adaptasiyasının çəkilişinə 1998-ci ildə "Interplay Films" tərəfindən start verilmişdir. Brent V. Fridman filmin ssenari müəllifi təyin edilmişdir, lakin 2000-ci ildə "Interplay Films" diviziyası ləğv edilmiş və film üzərində iş dayandırılmışdır.

Orijinal oyun əsasında "Radioaktiv yağınta: Nuka tətil" (ing. Fallout: Nuka Break) adlı həvəskar bir film çəkilmişdir. Filmdəki obrazlar sığınacaq sakini, onun qulbasdı yoldaşı Ben və keçmiş bir kölədir. Bəzi səhnələr kuklalarla çəkilmiş və CGI effektlərindən istifadə edilmişdir. "YouTube" platformasına yerləşdirilən film altı hissəyə ayrılmış, birinci hissə 2011-ci ilin sentyabrında yayımlanmışdır. "Gizmodo France" saytı filmdə təqdim olunan fotogen səhra mənzərələrini tərifləmişdir. "GameFront" saytının icmalçısına görə film "Fallout atmosferini mükəmməl şəkildə özündə əks" etmişdir və rəsmi "Bethesda" bloqu filmi "gözəl bir iş" adlandırmışdır.

2013-cü ilin yanvarında "Bethesda" elmi fantastik janrda teleserialı üçün bir ticarət markasını qeydiyyatdan keçirmişdir. "Dwell On It" saytının işçiləri tərəfindən qeyd edildiyi kimi, teleserial çəkmək hüquqları şirkət tərəfindən 2009-cu ilin fevralında əldə edilmişdi. Şirkətə görə teleserialın hadisələri nüvə fəlakətindən çıxmış bir dünyada cərəyan edəcək. 2020-ci ilin iyul ayında "Amazon Studios"un aylardır davam edən danışıqlardan sonra "Fallout" seriyası əsasında bir teleserial çəkmək hüquqlarını lisenziyalaşdırdığı təsdiqlənmişdir. 2 iyul 2020-ci ildə "Amazon" və "Kilter Films"in iştirakını təsdiqləyən bir tizer yayımlanmışdır. Əlavə olaraq, "Bethesda Game Studios" və "Bethesda Softworks" da teleserialın çəkilişindən məsul olacaq.