Bethesda Softworks LLC — Merilend ştatının Rokvil şəhərində yerləşən ABŞ videooyun nəşrçisi. Şirkət Kristofer Uiver tərəfindən 1986-cı ildə "Media Technology Li

Şirkət Kristofer Uiver tərəfindən 1986-cı ildə rəhbəri olduğu "Media Technology Limited"in bir diviziyası olaraq təsis edilmişdir. O "Bethesda"nı "Kompüter bazarının oyun inkişaf etdirmək üçün əlverişli bir yer olub olmadığını öyrənmək" üçün yaratmışdır.

"Bethesda"nın indiki prezidenti Vlatko Andonov, Uiverin şirkəti "Softworks" adlandırmaq istədiyini demişdir.

"Bethesda Softworks" ilk fizika əsaslı idman simulyasiyasını, "Gridiron!"u yaratmışdır. Şirkətin ilk oyunları yaxşı qarşılanmışdır. "Electronic Arts" ilk "John Madden Football" oyunu üzərində işləyirdi və bunun üçün "Bethesda"nı işə götürmüşdür. Şirkət eyni zamanda "Gridiron!" oyunlarının hüquqlarını almışdır. Bir il sonra yeni bir oyunu satışa çıxarılmamasından sonra, layihə üzərində işləməyi buraxdı və "Electronic Arts"ı 7.3 milyon ABŞ dolları üçün məhkəməyə vermişdir.

1990-cı ildə şirkət Merilend ştatının Rokvil şəhərinə köçmüşdür.

Şirkət ikinci əsas layihəsinə, "The Elder Scrolls" oyun seriyasına görə məşhurdur. Seriyanın ilk epizodu, "The Elder Scrolls: Arena" adıyla 1994-cü ildə satışa çıxarılmışdır. Bu oyunun satışa çıxarılmasından sonra seriyanın çox sayda epizodu satışa çıxarılmışdır. "Bethesda Softworks" "Terminator", "Ulduz yolu" və "Karib dənizinin quldurları" kimi filmləri nəşr etməklə də məşhurdur.

1995-ci ildə "Bethesda Softworks" "Flashpoint Productions"ı almışdır və şirkətin təsisçisi Brent Erikson "Media Technology Limited"in qərb sahili diviziyası, "MediaTech West"in inkişaf direktoru olmuşdur. Diviziya kimi "Golf Magazine: 36 Great Holes Starring Fred Couples", "Noctropolis" və "Burnout Championship Drag Racing oyun seriyaları üzərində işləmişdir.

1997-ci ildə "Bethesda" "XL Translab" adlı bir qrafika firmasını almışdır. XL nəticədə "Bethesda Softworks"un Rokvildəki baş qərərgahına köçmüşdür.

1997-ci və 1998-ci ildə Bethesda iki "The Elder Scrolls" genişlənirmə paketi satışa çıxarmışdır.

1999-cu ildə Uiver və Robert Oltmen "ZeniMax Media" adlı yeni bir valideyn şirkəti yaratmışdır. Edge ilə olan bir müsahibədə Uiver şirkətin valideyn şirkəti yerinə ali-səviyyəli bir idarəvi struktur olduğunu demişdir.

2001-ci ildə "Bethesda Game Studios" yaradılmışdır. Bunun nəticəsində "Bethesda Softworks" "ZeniMax Media"nın nəşrçi markası halına çevrilmişdir.

2002-ci ildə "ZeniMax" Uiveri işdən qovmuşdur. Bu hadisədən sonra, Uiver "ZeniMax"a 1.2 milyon ABŞ dolları üçün məhkəməyə vermişdir. "ZeniMax" bu məhkəməyə qarşı çıxdı. Məhkəmə işinin nəticəsində Uiver şirkətin böyük bir hissəsinin sahibi qalmışdır. 2007-ci ildə Uiver şirkətin 33%-ə sahib olduğunu demişdir.

2004-cü ildə "Fallout" franşizi "Bethesda Softworks" tərəfindən "Interplay Productions"dan alınmışdır və "Fallout 3"ün inkişafı "Bethesda Game Studios"a verilmişdir. "Fallout 3" 28 oktyabr 2008 tarixində satışa çıxarılmışdır. "Fallout 3"ün satışa çıxarılmasından bir il sonra 5 endirilə bilən məzmun çıxarılmışdır — Operation: Anchorage, The Pitt, Broken Steel, Point Lookout və Mothership Zeta. "Obsidian Entertainment" tərəfindən hazırlanan yeni "Fallout" epizodu, "Fallout: New Vegas" 2010-cu ildə satışa çıxarılmışdır. "Fallout 4" 10 noyabr 2015-ci il tarixində satışa çıxarılmışdır.

2008-ci ilin fevral ayında şirkətin qolu olan "ZeniMax Europe" Londonda açılmışdır. Bundan sonra Tokio, Frankfurt, Paris, Benilüks, Honkonq və Sidney şəhərlərində nəşrçi ofislər açılmışdır.

24 iyun 2009 tarixində "ZeniMax" media "id Software"i almışdır. Şirkətin hazırladığı videooyunları "Rage" də daxil olmaqla "Bethesda Softworks" tərəfindən nəşr olunur. 2009—2012-ci illərdə şirkət müvafiq olaraq "Rogue Warrior", "Wet", "Brink" və "Hunted: The Demon's Forge" videooyunlarını nəşr etmişdir.

2012-ci ildən bəri şirkət "Dishonored", "Wolfenstein: The New Order" və "The Evil Within" kimi oyunları nəşr etmişdir.

• Wayne Gretzky Hockey (1988–1990)
• Terminator seriyası (1990–1995)
• The Elder Scrolls seriyası (1994–h.h)
• Symbiocom (1998)
• Zero Critical (1998)

• IHRA Drag Racing seriyası (2000–2006)
• Karib dənizinin quldurları seriyası (2003–2006)
• Call of Cthulhu: Dark Corners of the Earth (2005)
• Star Trek seriyası (2006–2007)
• Fallout seriyası (2008–h.h)
• Wet (2009)
• Rogue Warrior (2009)

• Doom seriyası (2010–h.h)
• Brink (2011)
• Hunted: The Demon's Forge (2011)
• Rage (2011)
• Dishonored seriyası (2012–h.h)
• Wolfenstein series (2014–h.h)
• The Evil Within seriyası (2014–h.h)
• Prey (2017)