ABŞ-nin Şimali Karolina ştatında anadan olan Kaleb Bredham tərəfindən ilk istehsal olunmuşdur. 1893-ci ildə Nyu Bern (ing. New Bern), Şimali Karolinada "Bredın

ABŞ-nin Şimali Karolina ştatında anadan olan Kaleb Bredham tərəfindən ilk istehsal olunmuşdur. 1893-ci ildə Nyu Bern (ing. New Bern), Şimali Karolinada "Bredın içkisi"("Brad's Drink") olaraq satışa çıxarıldı və Bredham bu içkini öz əczaxanasında (aptekində) ilk hazırlamışdı. 28 avqust 1898-ci ildə Bredham içkisinin adını dəyişdirərək "Pepsi-Cola" qoydu. Kimyaçı olan Kaleb Bredham, Pepsi'ni həzmə köməkçi olması və enerji verməsi məqsədiylə inkişaf etdirmişdir. 1906-cı ildə ABŞ Qida İnstitutunun içkinin tərkibində zərərli bir maddə olmadığını müəyyənləşdirərək satışı sərbəst buraxılmışdır. Artan tələbin də təsiriylə ilk qablaşdırma fabrikləri Şimali Karolina əyalətinin Durham və Şarlott şəhərlərində qurulmuşdur. Bu gün dünyanın bir çox ölkəsində qablaşdırma və istehsal fabriki olan Pepsi, demək olar ki, bütün ölkələrdə satılmaqdadır və böyük bir bazar payına malikdir.

2012-ci ildə Koka-Kola və Pepsi şirkətləri ABŞ qanunları əsasında məhsullarının üzərinə xərçəng xəbərdarlıq etiketi salınmaması üçün içkiyə karamel rəngi verən 4 —metilimidazol maddəsini reseptin tərkibindən çıxardı. Bununla belə, ABŞ İçki İstehsalı Assosiasiyasına görə, maddənin insanlar üçün sağlamlıq riski yaratdığına dair heç bir sübutun olmadığını müəyyənləşdirdi. Şirkətlər də məhsullarında hər hansı bir xərçəng riski olmadığını qeyd etdilər, lakin xərçəng etiketinin məhsulların qablaşdırılmasında tətbiq olunmaması üçün maddəni reseptin tərkibindən çıxarılmasının lazımlı olduğunu ifadə etdilər. Eyni zamanda məhsulların dadında hər hansı bir dəyişiklik olmayacağına da əmin etdilər.