Dominikanlı libero dünyada ən çox fərdi mükafata layiq görülən voleybolçudur. Valideynləri Argentina və Alfonso, həyat yoldaşı isə Xulio Enrike de los Santosdur

Dominikanlı libero dünyada ən çox fərdi mükafata layiq görülən voleybolçudur. Valideynləri Argentina və Alfonso, həyat yoldaşı isə Xulio Enrike de los Santosdur. Ləqəbi ispancadan tərcümədə balaca, kiçicik mənasını verən "çin-çin"dir. Bu adı ona bədən ölçülərinə görə veriblər. 2010-cu ildə o, çətin günləri arxada qoyub xristianlığı qəbul edir. Alkoqol aludəçiliyinə görə milli komandaya gec qoşulur, özünə və ailəsinə kömək etmək üçün həyatını dəyişmək qərarı verir və nizam-intizamlı bir oyunçu kimi meydana qayıdır. İstər gənclərdən ibarət Milli Komandada, istərsə böyüklər arasında keçirilən yarışlarda Brenda hər zaman özünü ən yaxşı tərəfdən göstərə bilib. 2012-ci il London Olimpiadasının ən yaxşı liberosu adını qazandıqdan sonra dünyanın diqqətini özünə daha da cəlb edən 20 yaşlı qıza Azərbaycan Çempionu Rabitə Bakıdan təklif gəlir. Həmin ilin noyabr ayından o, heyətə cəlb olunan Suzana Cebiçin əvəzinə komandaya gətirilir. Hal-hazırda da Rabitədə oynayan Brenda dünyanın ən güclü liberosu sayılır.

• Boy: 167 sm
• Çəki: 55 kq
• Mövqe: Libero
• Blok yüksəkliyi: 215 sm
• Hücum yüksəkliyi: 245 sm
• Nömrə: 9,5

Tarix	Ölkə	Klub
2007-2010		San Kristobal
2009		Pueblo Nuevo
2010		Mirador
2011-2012		Kriollas de Kaquas
2012-		Rabitə Bakı

60-dan çox mükafatı olduğu üçün burda yalnız az bir hissəsi qeyd olunub.

2008

• Şimali Amerika Çempionatı (U-20) - "Ən dəyərli oyunçu (MVP)", "Ən yaxşı libero", "Ən yaxşı top qəbulu", "Ən yaxşı müdafiəçi"

2009

• Dünya Çempionatı (U-20) - "Ən dəyərli oyunçu (MVP)", "Ən yaxşı libero", "Ən yaxşı top qəbulu", "Ən yaxşı müdafiəçi"

2010

• Pan Amerikan Kuboku - "Ən yaxşı libero", "Ən yaxşı top qəbulu", "Ən yaxşı müdafiəçi"
• Şimali Amerika Çempionatı (U-20) - "Ən yaxşı libero", "Ən yaxşı top qəbulu", "Ən yaxşı müdafiəçi"
• Dominikan Respublikası - "İlin idmançısı", "İlin voleybolçusu"
• Düya Çempionatı (Yaponiya) - "Ən yaxşı libero"

2011

• Puerto Riko Voleybol Liqası - "Ən yaxşı libero", "Ən yaxşı müdafiəçi"
• Pan Amerikan Kuboku - "Ən yaxşı libero", "Ən yaxşı müdafiəçi"
• Pan Amerikan Oyunları - "Ən yaxşı libero", "Ən yaxşı top qəbulu", "Ən yaxşı müdafiəçi"

2012

• London Yay Olimpiya Oyunları - "Ən yaxşı libero"
• Pan Amerikan Kuboku - "Ən yaxşı libero", "Ən yaxşı top qəbulu", "Ən yaxşı müdafiəçi"
• Dominikan Respublikası - "İlin voleybolçusu"

2013

• Azərbaycan Superliqası - "Ən yaxşı libero"
• Dünya Çempionatı (U-23) - "Ən yaxşı libero"

2014

• CEV Çempionlar Liqası - "Ən yaxşı libero"
• Azərbaycan Superliqası - "Ən yaxşı libero"
• Pan Amerikan Kuboku - "Ən dəyərli oyunçu (MVP)", "Ən yaxşı libero", "Ən yaxşı top qəbulu", "Ən yaxşı müdafiəçi"
• Mərkəzi Amerika və Karib dənizi Oyunları - "Ən dəyərli oyunçu (MVP)", "Ən yaxşı libero", "Ən yaxşı top qəbulu", "Ən yaxşı müdafiəçi"