Mika (tam adı: Maykl Holbruk Penniman; ing. Michael Holbrook Penniman Jr.; 18 avqust 1983[…], Beyrut) — Livan əsilli britaniyalı müğənni-mahnı yazarı.

1983-cü il Beyrutda anadan olmuşdur. Livanlı ana və amerikalı atanın üçüncü uşağıdır. Suriya kökləri var. Hələ gənc olanda, valideynləri Beyrutdan müharibə səbəbindən ayrılaraq Parisə köçdülər. İlk öyrəndiyi piano əsəri Joe Dassin'in "Les Champs-Élysées"-dir. O, doqquz yaşında olanda ailəsi Londona köçdü və burada Westminster Məktəbinə daxil oldu. Məktəb illərində sinif yoldaşları və müəllimlər tərəfindən yaşanan təzyiqlər və təhqirlərdən onda disleksiya yarandı , danışma və yazmağı dayandırdı. Bu səbəbdən 12 yaşından 6-8 ay müddətində ev təhsili almışdır. Daha sonra Kensinqton'daki St Philip Məktəbinə qatıldı, burada Schola Cantorum (the St. Philip's Choir) başçısı oldu. Mika 1991-ci ildə Londona köçmüş, rus opera müğənnisi Alla Ablaberdiyevadan musiqi dərsləri almışdır. Daha sonra Royal College of Music-də oxudu.

İngilis dili ilə yanaşı o Fransız , İspan və İtalyan dillərində, həmçinin bir az Livan ləhcəsində ərəb dilində danışır. Onun ilk debut radio iştirakı 2006-cı ilin sentyabrında Dermot O'Leary-nin BBC Radio 2-də baş tutdu. Daha sonra o, Later... with Jools Hollandla və 19 yanvar 2007-ci ildə The Friday Night Projesi ilə ortaya çıxdı. Mika beş oktavadan ibarət olan vokal aralığına malikdir, lakin iddia edir ki, bu, həqiqətən, üç yarım oktavaya yaxındır. 2010-cu ilin mart ayında Mika musiqi xidmətlərinə görə Ədəbiyyat və İncəsənət ordeni (Fransa) (Chevalier (Knight)) layiq görüldü.

"Grace Kelly" adlı musiqisi 2007-ci il 8 yanvarda yüklənmək üçün buraxıldı və yanvarın 21-də UK Singles Chart da 1-ci yeri tutdu. 2007-ci ildə Island Records-da buraxılan 5.6 milyondan çox nüsxədə satılan Life in Cartoon Motion adlı ilk albomu onun Brit Award qalibi olmasına və Qremmi mükafatı namizədi olmasına səbəb olmuş və Freddi Merkuri, Scissor Sisters, Elton Con, Prins, Robbi Vilyams and Devid Boui kimi sənətçilərlə müqayisə edilmişdi.

Mika'nın ikinci studiya albomu olan The Boy Who Knew Too Much 21 sentyabr 2009-cu ildə nümayiş olundu.The Origin of Love adlı üçüncü albomu çıxmamışdan əvvəl o bir çox müsahibələr vermiş və bu albomda daha çox fransız dilində mahnılara yer verdiyini qeyd etmişdi.İlk fransız dilinde track "Elle me dit". O, bu albomunu daha ciddi albom kimi təsvir etdi.

O, No Place in Heaven adlı dördüncü albomu 15 iyun 2015-ci ildə çıxarıldı və bu albomunu daha açıq, səmimi, şən, hələ 60-cı illərin pop musiqisindən ilham alan bir pop albomu" kimi təsvir etdi.