Legitimizm hərəkatı (fr. Légitimistes) — Fransa krallığına rəhbərlik edən Burbon ailəsinin alternativ qolunu qurmağı hədəfləyən siyasi hərəkat.

Legitimizm hərəkatı (fr. Légitimistes) — Fransa krallığına rəhbərlik edən Burbon ailəsinin alternativ qolunu qurmağı hədəfləyən siyasi hərəkat.

13 avqust 1792-ci ildə Fransa kralı XVI Lüdovik həbs olundu və 21 sentyabr 1792-ci ildə Milli Assambleyanın verdiyi qərarla monarxiya ləğv edildi. Yeni yaradılan Birinci Fransa Respublikası fəaliyyətini davam etdirsə də, bir qrup monarxiya tərəfdarı həbsdəki kralın taxt hüququnu müdafiə etdilər. Bu iddialara son qoymaq məqsədilə, həsbdəki kral XVI Lüdovik 21 yanvar 1793-cü ildə gilyotinlə edam olundu.

Kralın ölməsinə baxmayaraq, Burbonların taxt iddiası leqitimistlər tərəfindən dəstəklənməyə davam etdi. Kralın həbs tutulan oğlu və yeganə varisi 8 yaşlı Luiz-Karl XVII Lüdovik adıyla Fransa kralı elan olundu. Ancaq Fransa artıq monarxiya deyil, respublika idi və bu səbəblə onun səltənəti öz dəstəkçilərindən başqa, heç kim tərəfindən tanınmadı. Cəmi 2 il sonra isə həbs tutulduğu qalada müəmmalı şəkildə vəfat etdi.

Leqitimistlər ilk öncə, XV Lüdovikin yetkinlik yaşına çatan yeganə oğlu dofen Lüdovikin şəcərəsindən gələnləri dəstəklədilər. Ancaq bunlardan ən sonuncusu olan V Henrinin 1883-cü ildə varissiz vəfat etməsinin ardından, leqitimistlər XV Lüdovikin ən böyük qızı Parma hersoginyası Luiza Yelizavetanın şəcərəsini dəstəklədilər. Belə ki, bu şəcərədən gələnlər eyni zamanda İspaniya taxtının Karlist iddiaçıları idi. Fransa taxtı üzərində haqq iddia edən leqitimist iddiaçılar aşağıdakılardır:

XVI Lüdovik (1792-1793)
Luiz Karl (1793-1795), XVII Lüdovik adıyla
XVIII Lüdovik (1795-1814)
X Karl (1830-1836)
Luiz Antoni (1836-1844), XIX Lüdovik adıyla
Henri (1844-1883), V Henri adıyla
Xuan Karlos de Burbon (1861-1868), III Jan adıyla
Karlos de Burbon (1868-1909), XI Karl adıyla
Ceymi de Burbon (1909-1931), I Jak adıyla
Alfonso Karlos de Burbon (1931-1936), XII Karl adıyla
XIII Alfonso (1936-1941), I Alfonso adıyla
İnfant Ceymi (1941-1975), VI Henri adıyla
İnfant Alfonso (1975-1989), II Alfonso adıyla
Luiz Alfonso de Burbon (1989-davam edir), XX Lüdovik adıyla