Konstantin Alekseyeviç Satunin (rus. Константин Алексеевич Сатунин; 20 may 1863, Yaroslavl – 10 noyabr 1915, Msxeta rayonu, Mtsxeta-Mtianeti) — rus zooloqu.

Teleqrafçı ailəsində doğulub. 1869-cu ildən 1-ci Moskva gimnaziyasında oxumuş, rus-sovet entomoloqu Qriqori Kojevnikovun sinif yoldaşı olmuşdur. 8-ci sinifdə imtahandan kəsilir və təhsilini Çerniqovda başa vurur. 1885–1890-cı illərdə Moskva Universitetinin fizika-riyaziyyat fakültəsinin təbiət elmləri ixtisasında oxuyub.

1893-cü ildən Tiflisdəki Qafqaz baramaçılıq stansiyasında bioloji laboratoriyanın müdiri işləyib. Qafqazda apardığı araşdırmalarda o, balıq, sürünən və məməlilərin böyük kolleksiyalarını toplayır. Həmin kolleksiyasının bir hissəsi 1948-ci il Aşqabad zəlzələsi zamanı məhv olmuşdur.

1907–1915-ci illərdə Qafqazda kənd təsərrüfatı idarəsində tətbiqi zoologiya və ovçuluq üzrə baş mütəxəssis işləmişdir. Satunin Qafqazın termofaunasını ilk təsvir edənlərdən biri olub və taksonların təsvirini və regionun faunasının zoocoğrafi analizini təqdim edib. 1912-ci ildə Satunin Qafqazın zoocoğrafi vahidlərə yeni bölgüsünü işləyib hazırlayır.

10 noyabr 1915-ci ildə 52 yaşında Mtsxeta yaxınlığında ürək çatışmazlığından qəflətən vəfat etmişdir.

• Сатунин К. А. Муганская степь. Тифлис: Изд. Управления Кавказского учебного Округа. 1913.
• Сатунин К. А. Млекопитающие Кавказского края, Тифлис, Т.1. 1915; Т.2. 1920.

• Kozhevnikov G. K. A. Satunin // Ornitoloji bülleteni. 1916. № 1.
• Константин Алексеевич Сатунин (1863—1915) // Мазурмович, Борис Николаевич Выдающиеся отечественные зоологи: Пособие для учителей средней школы (8000 nüs.). М.: Учпедгиз. 1960.
• Ермишин О. Т.. Сатунин Константин Алексеевич // Императорский Московский университет: 1755—1917 (энциклопедический словарь). Андреев А. Ю., Цыганков Д. А. М.: Российская политическая энциклопедия (РОССПЭН). 2010. 642. ISBN 978-5-8243-1429-8.