"Xaqan" termininə ilk dəfə çin salnamələrində rast gəlinir. Sonralar Kiyev knyazları da bu titulu qəbul etdilər. Monqol imperiyası dövründə isə bu titul "impera

Qədim Türk dili
Xaqan
Orxon əlifbası:	𐰴𐰍𐰣
Transliterasiya:	Qağan
Qazax dili
Latın əlifbası:	Qağan
Kiril əlifbası:	Қаған
Türk dili
Latın əlifbası:	Kağan
Rus dili
Kiril əlifbası:	Каган
Latın əlifbası:	Kagan
Monqol dili
Kiril əlifbası:	Хаан
Transliterasiya:	Xaan
Monqol əlifbası:	ᠬᠠᠭᠠᠨ
Transliterasiya:	Qağan
Macar dili
Latın əlifbası:	Kagán
Çin dili
Sadələşdirilmiş çincə:	可汗
Hanyu Pinyin :	Kèhán
Fars dili
Fars əlifbası:	خاقان
Latın əlifbası:	Xaqan
Koreya dili
Hangul:	가한
Latın əlifbası	Gahan
McCune-Reischauer:	Kahan

Xaqan (q.türk 𐰴𐰍𐰣) — erkən orta əsrlərdə bir çox türkdilli xalqlarda dövlət başçısının titulu.

"Xaqan" termininə ilk dəfə çin salnamələrində rast gəlinir. Sonralar Kiyev knyazları da bu titulu qəbul etdilər. Monqol imperiyası dövründə isə bu titul "imperator" mənasında işlədildi. Monqol imperiyasında Qağan şəklində idi.

İstifadəsi

Bu titula ilk dəfə qədim çin mənbələrində rast gəlinir. Onlar III yüzillikdə yaşayan syanbilərin ulu xanını belə adlandırırlar. 402-ci ildə jujanlar hun titulu olan şanyünün əvəzinə xaqanı qəbul etmişdilər. 551-ci ildə avarlar və göytürklər bu titulu jujanlardan aldılar. Göytürk xaqanlığı çökdükdən sonra digər türk xalqları — xəzərlər, uyğurlar, qarluqlar, kiməklər və qırğızlar xaqan titulundan istifadə etdilər. Qərb mənbələrində isə "caganus" kimi latınlaşdırılmışdır.

Osmanlıda Hakan ül-Berreyn vel-Bahreyn (torpaqların və dənizin xaqanı) titulu mövcud idi. Çində Li Şimin dövründə Birinci Göytürk xaqanlığı dağıldıqdan sonra imperatorlar özlərinə "Tian Kehan" yəni "Səma xaqanı" deməyə başladılar.

İbn Rustanın yazdıqlarına əsasən X əsrdə rus hökmdarları xaqan adlanırdı: I Vladimir, II Svyatoslav, I Yaroslav xaqan adlanırdı.