Avropol (ing. Europol) və ya rəsmi olaraq Avropa İttifaqı Hüquq Mühafizə Orqanları üzrə Əməkdaşlıq Agentliyi — Avropa İttifaqının polis xidməti. Mərkəzi Niderla

Avropa İttifaqının vahid polis xidmətinin yaradılması ideyası ilk dəfə 1992-ci il Maastrixt sazişində nəzərdə tutulmuşdur. 3 yanvar 1994-cü ildən etibarən qurum məhdud şəkildə, "Avropol narkotiklərin qanunsuz dövriyyəsinə qarşı mübarizə bölməsi" adı altında fəaliyyət göstərməyə başlamışdır. 1998-ci ildə Avropa İttifaqının bütün üzv dövlətləri Avropol haqqında Konvensiyanı ratifikasiya etmiş və 1 iyul 1999-cu ildən etibarən qurum tamhüquqlu fəaliyyətə başlamışdır.

Avropolun ilk direktoru Almaniya hüquqşünası Yurgen Ştorbek olmuşdur. 2005-ci ilin fevralından etibarən bu vəzifəni Maks-Peter Ratsel, 6 aprel 2009-cu ildən isə Rob Veynrayt icra etmişdir. 1 may 2018-ci il tarixində direktor vəzifəsinə Katrin de Boll təyin edilmişdir.

1 yanvar 2010-cu il tarixindən Avropol Avropa İttifaqının agentliyinə çevrilmiş, bu isə onun səlahiyyətlərini genişləndirməklə yanaşı, Avropa Parlamentinin daha ciddi nəzarətinə tabe etmişdir.

1 iyul 2011-ci il tarixində Avropol yeni mənzil-qərargahına — Haaqadakı binasına köçmüşdür. Açılış mərasimində Niderland kraliçası, Avropa İttifaqına üzv ölkələrin polis rəhbərləri və Avropolla əməkdaşlıq sazişi imzalamış dövlətlərin nümayəndələri iştirak etmişlər.