Azərbaycanca (AZ)
English (US)
Қазақша (KZ)
Lietuva (LT)
Türkçe (TR)
O'zbekcha (UZ)
Avstralaziya — Avstraliya, Yeni Zelandiya, Yeni Qvineya adası və Sakit okeandakı ona bitişik olan adalardan ibarət Okeaniya regionudur. Termin birinci dəfə Şarl de Bros tərəfindən qələmə alınmış Histoire des navigations aux terres australes (1756) adlı əsərdə istifadə edilmişdir. Latın dilindən tərcümədə "Asiyanın cənubu" mənasını verən bu söz Polineziya və Sakit okeanın cənub-şərqi (Magellanika) istisna olmaqla, daha şərqdə yerləşən regionu təsvir edir. Şimal-şərq hissəsində Mikroneziyadan ayrılan region Hindistanın da daxil olduğu Hind-Avstraliya plitəsində yerləşir.
Bəşəri coğrafiya
Avstralaziya termini bəzən Avstraliya və Yeni Zelandiyanı göstərmək üçün istifadə olunur. Yeni Qvineya adasının (Papua-Yeni Qvineya və adanın İndoneziyaya məxsus olan hissəsi də daxil olmaqla) da Avstralaziyanın sərhədləri daxilində olduğu hesab olunur.
Avstralaziya termini əvvəllər Avstraliya və Yeni Zelandiyanın idman komandalarını təsvir etmək üçün istifadə edilmişdir. Yeni Zelandiya və Avstraliya tennis komandalarının 1905-1915-ci illər arasında iştirak etdikləri Devis kuboku turnirlərini, həmçinin də 1908 və 1912 Yay Olimpiya Oyunlarını bu vəziyyətə misal göstərmək mümkündür.
Ekoloji coğrafiya
Ekoloji nöqteyi-nəzərdən nəzər salındığı zaman Avstralaziya bir çox nadir bitki və heyvan növlərinə ev sahibliyi edir. Burada qeyd olunan region Avstraliya, Yeni Qvineya ilə Lombok və Sulavesi adaları da daxil olmaqla bir sıra adalardan ibarətdir. Volles xətti Avstralaziyanı bioloji cəhətdən Asiyadan ayırır. Kalimantan və Bali bu xəttin qərb hissəsində qalmış torpaqlardır.
Ədəbiyyat siyahısı
- Richards, Kel. . Wordwatch. ABC News Radio. 2006. 18 mart 2007 tarixində orijinalından arxivləşdirilib. İstifadə tarixi: 30 sentyabr 2006.
vikipedia, viki, ensiklopediya, kitab, məqalə, oxumaq, pulsuz yüklə, Avstralaziya haqqında məlumat. Avstralaziya nədir? Avstralaziya nə deməkdir?