Kanadanın Ontario əyalətinin London şəhərində dünyaya gəlib. Atası Lans yük maşını sürücüsü, anası Sendi isə tibb bacısı idi. Keylin adlı balaca bacısı və Danie

Reyçel Makadams
Reyçel Makadams
	ing. Rachel McAdams
Doğum adı	Rachel Anne McAdams
Doğum tarixi	17 noyabr 1978[…] (47 yaş)
Uşağı	2
Partnyorları	Rayan Qoslinq (–2007);
Fəaliyyəti	kino aktrisası, aktrisa, teatr aktrisası, televiziya aktrisası, ətraf mühit fəalı
Təhsili	York Universiteti (–2001);
IMDb	ID1046097
	Vikianbarda əlaqəli mediafayllar

Reyçel Anna Makadams (ing. Rachel Anne McAdams; 17 noyabr 1978^[…]) — Kanada aktrisası.

Həyatı

Kanadanın Ontario əyalətinin London şəhərində dünyaya gəlib. Atası Lans yük maşını sürücüsü, anası Sendi isə tibb bacısı idi. Keylin adlı balaca bacısı və Daniel adında kiçik qardaşı var. Reyçel 13 yaşında yay düşərgəsində Şekspir pyeslərində rol almağa başladı. Liseyi bitirdikdən sonra universitetdə oxumağı planlaşdırmışdı. Teatr müəllimi onu aktyorluq təhsilini davam etdirməsi üçün cəsarətləndirdi. Nəhayət Torontodakı York Universitetinin Teatr fakültəsindən fərqlənmə ilə məzun oldu.

Karyerası

Ekranlardakı peşəkar karyerasına Disneyin 1998 tarixli "The Famous Jett Jackson" teleserialı ilə başladı. Bir neçə filmin ardından ona şöhrəti gətirəcək olan çıxışını "Yaramaz qızlar" (2004) və "Xatirə gündəliyi" (The Notebook, 2004) adlı filmlərlə gerçəkləşdirdi. "Xatirə gündəliyi" filmindəki rolu ilə tamaşaçıların rəğbətini qazanmaqla Reyçel bu rola görə bir çox mükafatın sahibi oldu.

Şəxsi həyatı

"Xatirə gündəliyi" filmində tərəf müqabili olan Rayan Qoslinq ilə eşq yaşayan tanınmış aktrisa bir müddət sonra Rayandan ayrılmağı qərara aldı. Daha sonra "Midnight in Paris" filmində tanış olduğu Maykl Şin ilə 2010-cu ildə ailə həyatı qurdu. Hal-hazırda balaca qardaşı Daniel ilə birlikdə Torontoda yaşayır. Əlavə olaraq, Reyçelin amerikan yaşıl kartı da var.

Maraqlı faktlar

Əsl saç rəngi qəhvəyidir, amma saç rəngini tez-tez dəyişdirməyi sevir.

2005-ci ildə 5 fərqli nominasiyada MTV Film Mükafatına namizəd göstərilən ilk aktrisadır və bu mükafatlardan 3-nə sahib olmuşdur.

Filmoqrafiya

Yaramaz qızlar (2004)
Sabahınız xeyir (2010)
Parisdə gecə yarısı (2011)
Diqqət mərkəzində (2015)
Doktor Strenc (2016)
İtaətsizlik (2017)
Doktor Strenc: Dəliliklərin multikainatında (2022)
İlahi ordasan? Mənəm, Marqaret (2023)