İraqlılar (ərəb. العراقيون ‎; Irāqīyūn) — İraqın yerli əhalisi. Ümumi saylarıə 31 milyon nəfərdir. Onlar həmçinin İran, Suriya, ABŞ və Avropa ölkələrində yaşayı

Tarixən Dəclə və Fərat çayları arasında yerləşən Mesopotamiya adlı ərazidə ilk sivilizasiyalar yaranmışdır. Şumer, Akkad, Babilistan və Assuriya kimi dövlətlər bu ərazidə formalaşmışdır. B.e.ə. VI əsrdən İraq farsların əsarətinə düşür. Bir müddət Əhəmənilər, Makedoniya İmperiyası, Selevkilər, Parfiyalılar, Sasanilər və Ərəb Xilafətinin tərkibində olmuşdur.

Yerli əhalinin dili daima dəyişikliklərə məruz qalmışdır. B.e.ə IV minillikdən b.e.ə XX əsrə qədər burada şumer dili işlədilmişdir. Sonradan b.e.ə XX əsrdən b.e II əsrinə qədər akkad dili işlənmişdir. II- VII əsrlərdə Mesapoaramey dili yayılmışdır. VII əsrdən günümüzə kimi isə dominat dil ərəb dilidir.

Müasir genetik tədqiqatlar onu göstərmişdir ki, müasir iraqlılar qədim mesapotomiya xalqları olan şumer və akkadlarla bağlıdır. Artıq bir neçə minillikdir ki, İraq əhalisi genetik asimiliyasiyaya məruz qalmamışdır.

Müasir iraqlıların bu gündə əsas məşğuliyyətlərindən biri kənd təsərrüfatıdır. Burada taxıl, qarğıdalı, palma, pambıq kimi bitkilər əkilir. Mesopotamiyanın cənubunda, səhra və yarımsəhraların yayıldığı ərazilərdə köçəri-maldar tayfalar qoyun, keçi və dəvə saxlayır. Şəhərlərdə sənətkarlıq istehsalı mövcuddur. Kənd təsərrüfatı alətləri, qab istehsalı və toxuculuq inkişaf etdirilir. Neft sənayesi çox inkişaf etmiş və iraqlılarin çoxu bununla məşğuldur.

İraqlıların mətbəxi digər Yaxın Şərq xalqlarının mətbəxi ilə eynilik təşkil edir. Xurmadan şirin halva hazırlayırlar. Çay və qəhvə içməyi xoşlayırlar. Bəzi yerlərdə balıq yeməklərinə üstünlük verirlər. Arpa və buğdadan hazırlanmış çörəklər istehlak edilir.

İraqda əhali əsasən İslam bayramlarını qeyd edir. Əhalinin böyük qismi şiələrdir. Onlar əsasən ölkənin cənubunda yayılmışlar. Sünnülər isə ölkənin qərbində və mərkəzi hissəsində üstünlük təşkil edirlər. Xristianlıq isə ölkənin şimalında yayılmışdır. Ancaq xristianlıq ərəblər arasında deyil assuriyalılar arasında üstünlük təşkil edir. 2010-cu illərdə İraqda sünnü və şiələr arasında münaqişələr müşahidə edilmişdir. Folklor nümunələri arasında musiqi və şeirlər daha çox marağa səbəb olur. İslama qədərki bəzi adətlər hələ də saxlanılmışdır.