Dəniz məməliləri — bütün ömürlərini və ya ömürlərinin bir hissəsini suda keçirən məməlilərdən ibarət olan heyvan növləri. Bəzi dəstələr bütünlüklə su həyatı keç

Dəniz məməliləri — bütün ömürlərini və ya ömürlərinin bir hissəsini suda keçirən məməlilərdən ibarət olan heyvan növləri. Bəzi dəstələr bütünlüklə su həyatı keçirirlər: sirenlər, balinakimilər, pərayaqlılar — qulaqlı suitilər, əsl suitilər, morjlar. Bundan əlavə Dələlər (dəniz samuru və pişik susamuru) və ayıkimilərə (ağ ayı) aid bir necə növ daxildir. Ümumilikdə isə məməlilərin 2,7 % (128 növ) bu qəbildəndir.

Qozbel balina (*Megaptera novaeangliae*), Balinakimilər

Dəniz bəbiri (*Hydrurga leptonyx*), Əsl suitilər

Amerika lamantini (*Trichechus manatus*), Sirenlər

Dəniz samuru (*Enhydra lutris*), Dələlər

Kaliforniya dəniz şiri, Qulaqlı suitilər

Dəniz məməliləri əsasən yırtıcılardır və balıq, dəniz məhsulları ilə qidalanırlar.

Dəniz məmnəlilərinin sistemləşdirilməsi

Hal-hazırda ənənəvi olaraq aşağıda sadalanan beş qrupa bölünən dəniz məməlilərinin 128 növü vardır.

Dəstə Sirenia: Sirenlər
- Fəsilə Trichechidae: Lamantinlər (3 növ)
- Fəsilə Dugongidae: Dyoqonlar (1 növ)
Dəstə Cetacea: Balinakimilər
- Alt dəstə Mysticeti: Bığlı balinalar (14 və ya 15 növ)
- Alt dəstə Odontoceti: Dişli balinalar (73 növ)
Dəstə Carnivora: yırtıcılar
- Pərayaqlılar
  - Fəsilə Phocidae: Əsl suitilər (20 növ)
  - Fəsilə Otariidae: Qulaqlı suitilər (16 növ)
  - Fəsilə Odobenidae: Morjlar (1 növ)
- Fəsilə Mustelidae: Dələlər
  - Dəniz samuru (Enhydra lutris)
  - Pişik susamuru (Lontra felina)
- Fəsilə Ursidae: Ayılar
  - Ağ ayı (Ursus maritimus)

Əvvəllər Pərayaqlılar müstəqil Pinnipedia dəstəsinə daxil edilirdi.