Lui Armstronq (ing. Louis Armstrong, Louis Daniel Armstrong; 4 avqust 1901, Nyu-Orlean, Luiziana – 6 iyul 1971) — ABŞ zənci trubaçalanı, bəstəkar, XX əsrin ən m

Lui Armstronq
Lui Armstronq
	ing. Louis Armstrong
Ümumi məlumatlar
Doğum adı	Louis Daniel Armstrong
Doğum tarixi	4 avqust 1901
Doğum yeri	Nyu-Orlean, Luiziana, ABŞ;
Vəfat tarixi	6 iyul 1971 (69 yaşında)
Vəfat səbəbi	ürək tutması
Dəfn yeri	Flaşinq qəbiristanlığı[d];
Musiqiçi məlumatları
Fəaliyyəti	aktyor, küçə sənətçisi[d], truba ifaçısı[d], qrup rəhbəri[d], dirijor, cazmen, müğənni, film bəstəkarı, kino aktyoru, mahnı yazarı[d], radioaparıcı[d], səsyazma sənətçisi[d], yazıçı
Fəaliyyət illəri	1914–1971
Janr	caz
Musiqi alətləri	truba
Səs tembri	bariton
Albom şirkətləri	Columbia Records, Decca Records[d]
Mükafatları
	louisarmstronghouse.org
	Vikianbarda əlaqəli mediafayllar

Lui Armstronq (ing. Louis Armstrong, Louis Daniel Armstrong; 4 avqust 1901, Nyu-Orlean, Luiziana – 6 iyul 1971) — ABŞ zənci trubaçalanı, bəstəkar, XX əsrin ən məşhur caz ustadlarından biri hesab edilir.

Həyatı və fəaliyyəti

Lui Armstronq çətin və yoxsul uşaqlıq dövrü keçirmişdir. Əvvəlcə truba ifaçısı, karyerasının sonlarına yaxın isə vokalçı olaraq tanınmışdır. Caz sənətinin görkəmli nümayəndələrindəndir. 1922-ci ildə Co Oliver onu Kreol caz orkestrində çıxış etmək üçün Çikaqoya dəvət etmişdir. 1924-cü ildə Lui Nyu-Yorkda F. Hendersonun caz orkestrində trubaçalan, sonra isə müğənni kimi fəaliyyət göstərmişdir. 1925-ci ildə Çikaqoya qayıtmış, qrammofon valları yazdırmaqla məşğul olmuşdur. O, zəngin ritm elementləri və tembr çalarları, melodiyanın improvizasiya xarakterli şərhi ilə səciyyələnən orijinal ifaçılıq üslubu yaratmışdır. 1944-cü ildə Lui Metropoliten-opera -da keçirilən birinci caz konsertində iştirak etmişdir. 1947-ci ildə "Lui Armstronqun bütün ulduzları" sekstetini yaratmış və ömrünün axırına kimi qastrol səfərləri ilə bütün dünyanı gəzmişdir. Bir sıra blüz və mahnılar yazmış, kinoya çəkilmişdir. "Satçmo" təxəllüsü ilə fəaliyyət göstərmişdir. "Satçmo: Mənim Yeni Orleandakı həyatım" xatirələr kitabının müəllifidir.