İcevan rayonu — Ermənistan SSR və Ermənistan Respublikasında mövcud olmuş rayon. İnzibati mərkəzi İcevan şəhəri olmuşdur.

1930-cu il sentyabrın 9-da yaradılıb. Ərazisi 1336 kv. km-dir. Rayon mərkəzi respublika tabeli Karvansara (dəyişdirilmiş adı İcevan) şəhəridir. Rayon mərkəzindən İrəvan şəhərinə olan məsafə 142 km-dir.

İcevan rayonunun ərazisinə Qaraqoyunlu dərəsinin də bir hissəsi daxildir. Rayonun ərazisi Pəmbək, Murğuz, Hələb və Karvansara dağ silsilələri ilə əhatə olunub. Ağstafa çayı (Kür hövzəsi) rayon boyu axır.

Çar Rusiyası dövründə rayon ərazisi Yelizavetpol quberniyasının Qazax qəzasına daxil idi. XX əsrin əvvəllərində bu ərazilər də erməni quldur dəstələrinin, daşnak hərbi hissələrinin hücumuna məruz qalıb.

Qədimlərdən bəri daim karvan yollarının kəsişdiyi Dilican dərəsi də İcevan rayonu ərazisindədir.(Son illərdə Dilican dərəsində mərkəzi Dilican şəhəri olan ayrıca Dilican rayonu təşkil edilib.) Yüz illər boyu Qazax, Ağstafa, Şəmkir, Tovuz rayonlarının əhalisi yayda Dilican dərəsində dincəlirdi. Tanınmış Azərbaycan yazıçı və dramaturqu Nəcəf bəy Vəzirov da vaxtilə bu ərazidə meşəbəyilik etmişdi.

1988-ci ilə qədər azərbaycanlıların yaşamaqda davam etdikləri və həmin il tərk etməyə məcbur olduqları yaşayış məntəqələri: Salah, Murtel, Haqqıxlı, Alaçıxqaya, Ağkilsə, Polad.

Ermənistan SSR Ali Soveti Rəyasət heyətinin müxtəlif fərmanları ilə rayon üzrə dəyişdirilmiş tarixi yer adları:

Qədim türk adı	İndiki adı	Dəyişdirilmə tarixi
Qaranlıqdərə	Xavaradzor	…
Xavaradzor	Lusadzor	03.01.1935
Saratu	Hacdarak	…
Alaçıxqaya	Alaçıx	…
Haçasu	Acaçur	…
Güney	Getaşen	03.01.1935
Getaşen	Kirants	25.05.1967
Qaradaş	Sevkar	…
Aşhigah	Lalakənd	…
Lələkənd	Lalikyuğ	…
Lalikyuğ	Vazaşen	25.01.1978
Bibiş	Berkaber	25.01.1978
Ayrım Polad	Ayrim	…
Karvansara	İcevan	…
Kürdəvan	Yenokavan	03.01.1935
Carheç	Kuybışev	02.03.1940
Məlikkənd	Melikkyuğ	…
Melikkyuğ	Tsaxkavan	02.03.1940
Sarıgah	Sarıkyuğ	10.05.1951
Yuxarı Ağdan	Aqdan	25.05.1967
Ağdan	Qandzakar	25.01.1978
Aşağı Ağdan	Morut	25.05.1967
Morut	Haxnaxpyur	11.11.1970
Uzuntala (Qaraqoyunlu)	Onut	25.05.1967
Onut	Aygehovit	12.02.1969
Rəvazlı	Ditavan	25.05.1967
Murteyl	(Çiçəkbulaq)	25.01.1978
Tala	Getahovit	25.01.1978
Haqqıxlı	Səməd Vurğun	25.01.1978
Haqqıxlı (Səməd Vurğun)	Hovk	1991

• Qərbi Azərbaycan
• Azərbaycanlıların Qərbi Azərbaycandan deportasiyası
• Erməni əhalisinin tarixi miqrasiyası