Bum — Azərbaycan Respublikasının Qəbələ rayonunun Bum qəsəbə inzibati ərazi dairəsində qəsəbə. 24 iyun 2005-ci il tarixli 953-IIQ saylı Azərbaycan Respublikasın

Toponimik bilgilərə görə türk dillərindəki bum (boom) sözü ilə əlaqələndirilir. Bum sözü əski türk dilində "çaylı dərə, çətin keçilən yer" deməkdir. Kumə dağının ətəyində və çuxurda, iki dağın arasında, Kovdan çayının Bum çayına qarışdığı yerdədir. Mənbələrə görə Altay-türk dillərində bu söz dar dərədə əmələ gəlmiş sıldırım, qayalıq, burun formasında uca qaya, çay ilə dağ arası yer anlamındadır. Necə ki, coğrafi mənası adı ilə eynidir.

Kənd rayon mərkəzindən 7 km qərbdə, Qəbələ–Qəmərvan şose yolunun kənarında, Baş Qafqaz silsiləsinin ətəyindədir.

Qəsəbədə Bum mineral bulağı və dağlardan axan yağış sel suları ilə qidalanan Bum çayı axır.

1824-ci il Şəki qəzasının Bum sahəsinin kameral təsvirinə əsasən Bum kəndində 281 təsərrüfatda 1470 nəfər əhali yaşayırdı ki, onların da 788 nəfərini kişilər, 682 nəfərini isə qadınlar təşkil edirdi. Hazırda qəsəbədə 5.095 nəfər yaşayır.

Hal-hazırda kənd ərazisində Candarlı, Danalar, Qaragözlülər, Ağamoğlan, Obuxlu, Xapaylı və s. adda məhəllələr vardır.

Qəsəbədə mədəniyyət evi mövcuddur.

Qəsəbədə orta məktəb fəaliyyət göstərir.

Qəsəbədə Bum qəsəbə məscidi dini icması fəaliyyət göstərir.

Qəsəbədə ixtisaslaşdırılmış xəstəxana mövcuddur.