Tom Uilyam Hiddlston (ing. Thomas William Hiddleston, 9 fevral 1981, Vestminster, London) — İngiltərəli aktyor və prodüser. Daha çox Marvel film seriyasında can

Tom Hiddlston
Tom Hiddlston
	ing. Tom Hiddleston
Doğum adı	Thomas William Hiddleston
Doğum tarixi	9 fevral 1981 (45 yaş)
Doğum yeri	Vestminster, London;
Partnyorları	Teylor Svift (2016);
Fəaliyyəti	teatr aktyoru, kino aktyoru, komediyaçı, musiqiçi, televiziya aktyoru, film prodüseri, aktyor
Fəaliyyət illəri	2001-ci ildən
Təhsili	İton kolleci,; Kembric Universiteti,; Dram İncəsənəti üzrə Kral Akademiyası[d] (2002),; Draqon Məktəbi[d];
IMDb	ID1089991
	Vikianbarda əlaqəli mediafayllar

Tom Uilyam Hiddlston (ing. Thomas William Hiddleston, 9 fevral 1981, Vestminster, London) — İngiltərəli aktyor və prodüser. Daha çox Marvel film seriyasında canlandırdığı Loki və həmçinin "Axşamüstü Parisdə" (2011), "Krimson zirvəsi" (2013) filmləri ilə məşhurdur.

İlk illəri

Tom Hiddlston 9 fevral 1981-ci ildə Londonun Vestminster rayonunda doğulmuşdur. İlkin təhsilini Oksfordakı Drakon məktəbi və Berkşirdəki İton kollecində təhsil almışdır. 2005-ci ildə Kral Dramatik İncəsənət Akademiyasını bitirib.

Karyerası

Hiddlston karyerasına televiziyada başlayıb, ilk rolunu Nikolas və Niklbinin həyatı və məcarası" (2001) telefilmində oynayır. Bundan sonra o bir neçə il müxtəlif televiziya layihələrində iştirak edir. İlk böyük rolunu "Ceyn Ostinin sevgi uğursuzluqlarında" (2008) seriyalında oynayır.

Aktyor 2011-ci ildə Marvel Kinematoqrafiya Kainatına daxil olan "Tor" filmində Loki obrazını canlandırır. Rol ona dünya məşhurluğunu qazandırıraq karyerasında yeni bir dövrü açır. Tom Hiddlston yeni Loki qəhrəmanını "Tor: Qaranlıq dünya", "Qisasçılar", "Tor: Raqnarök", "Qisasçılar: Sonsuzluq savaşı" və "Qisasçılar: Final" filmlərində canlandırdı. 2011-ci ildə həmçinin onun iştirakı ilə "Döyüş atı" və "Gecəyarısı Parisdə" filmlərinin premyerası olmuşdu.

2017-ci ildə "Gecə administratoru" serialındakı Conatan Payn obrazına görə ən yaxşı miniserial və ya telefilm nominasiyasında Qızıl qlobus mükafatına layiq görülmüşdür.

Filmoqrafiyası

il	Filmin adı	Orjinal adı	Rol
2001	Konspirasiya	Conspiracy	Operator
2002	Yaxınlaşan fırtına	The Gathering Storm	Rendolf Çörçill
2005	Şekspir və onun sonetlərinin sirri	A Waste of Shame: The Mystery of Shakespeare and His Sonnets	Con Holl
2006	Viktoriya Xaçı Qəhrəmanları	Victoria Cross Heroes	Kapitan Con "Cek" Rendl
2006–2007	Şəhərətrafı atışma	Suburban Shootout	Bill Xezeldin
2007	Yad	Unrelated	Oakli
2007	Bədbəxt hadisə	Casualty	Kris Von
2007	Qalapaqos	Galápagos	Çarlz Darvin
2008	Miss Ostinin uğursuzluqları	Miss Austen Regrets	Mister Con Plampt
2008–2010	Vallander	Wallander	Maqnus Martinsson
2009	Krenford	Cranford	Uilyam Bakston
2014	Yalnız sevənlər sağ qalır	Only Lovers Left Alive	Adam

Şəxsi həyatı

Tom Hiddlston UNICEF-in humanitar və inkişaf yardım fondu qrupunun İngiltərədəki səfiridir. O insanları aclıq haqqında daha çox məlumatlandırmaq üçün 2013-cü ilin əvvəlində Qvineyaya səyahət etmişdir. 2015-ci ilin əvvəlində və 2016-cı ilin sonlarında Cənubi Sudana səyahəti zamanı vətəndaş müharibəsinin uşaqların həyatına mənfi təsirini qeyd etmişdir. Hiddlston özünü feminist hesab edir.

Aktyor 2008–2011-ci illərdə aktrisa Syuzan Fildinqlə münasibətdə olmuşdur. 2016-cı ildə isə bir neçə ay müğənni Teylor Sviftlə görüşüb.