Soprano ailəsi (ing. The Sopranos) — Devid Çeysin yaratdığı Amerika Birləşmiş Ştatlarının kriminal-dramatik televiziya serialı. Ekran əsərinin mərkəzində Nyu-Ce

Soprano ailəsi (ing. The Sopranos) — Devid Çeysin yaratdığı Amerika Birləşmiş Ştatlarının kriminal-dramatik televiziya serialı. Ekran əsərinin mərkəzində Nyu-Cersi ştatının mütəşəkkil cinayətkar qruplaşmasının rəhbəri, təşviş pozuntusundan əziyyət çəkən Toni Soprano (Ceyms Qandolfini) dayanır. O, psixiatr Dr. Melfi (Lorreyn Brakko) ilə məsləhətləşmələrə başlamağa məcbur olur. Həkim onu şəxsi və kriminal həyatı arasındakı tarazlığın pozulması ilə bağlı yaşadığı çətinliklər barədə danışmağa sövq edir. Əsərin digər əhəmiyyətli personajları sırasına Toninin ailə üzvləri, cinayətkar aləmdəki əlaqələri və rəqibləri, xüsusilə həyat yoldaşı Karmela (Edi Falko) və himayədarı, əmisi oğlu Kristofer Moltisanti (Maykl İmperioli) daxildir.

Soprano ailəsi
ing. The Sopranos
Janr	dram teleserialı[d]
Rollarda	Ceyms Qandolfini Lorraine Bracco[d] Stiv Buşemi[d] Co Pantoliano Edi Falko[d] Stiv Şirippa
İstehsalçı ölkə	ABŞ
Dil	ingilis dili
Davametmə müddəti	55 dəq
IMDb	ID0141842
hbo.com/the-sopranos
Vikianbarda əlaqəli mediafayllar

1997-ci ildə istehsalına icazə verilən serial, 1999-cu il yanvarın 10-dan 2007-ci il iyunun 10-dək "HBO" televiziya kanalında altı mövsüm ərzində, ümumilikdə 86 bölüm olaraq nümayiş etdirilmişdir. Serial həm Amerika Birləşmiş Ştatlarında, həm də beynəlxalq miqyasda geniş yayım şəbəkəsi vasitəsilə təqdim edilmişdir. "Soprano ailəsi" serialı "HBO", "Chase Films" və "Brad Grey Television" şirkətlərinin birgə istehsalıdır. Çəkilişlər əsasən Nyu-Yorkda yerləşən "Silvercup Studios" pavilyonlarında, qismən isə Nyu-Cersi ştatının müxtəlif məkanlarında həyata keçirilmişdir.