II Lüdovik (mac. II. Lajos; çex. Ludvík Jagellonský; slovak. Ľudovít II; 1 iyul 1506, Buda – 29 avqust 1526) — Macarıstan-Xorvatiya və Bohemiya kralı. Osmanlıla

II Layoş
II Layoş
Macarıstan–Xorvatiya və Bohemiya kralı
	13 mart 1516 – 29 avqust 1526
Əvvəlki	II Vladislav
Sonrakı	I Ferdinand
Şəxsi məlumatlar
Doğum tarixi	1 iyul 1506
Doğum yeri	Buda, Macarıstan krallığı;
Vəfat tarixi	29 avqust 1526 (20 yaşında)
Vəfat səbəbi	boğulma
Dəfn yeri	Sekeşfexervar kafedralı[d];
Fəaliyyəti	siyasətçi, monarx
Atası	II Vladislav (Bohemiya kralı)
Anası	Foks-Kandallı Anna (Macarıstan və Bohemiya kraliçası)
Həyat yoldaşı	Avstriyalı Mariya (1521–1526);
Ailəsi	Yaqellon sülaləsi
Təltifləri
	Vikianbarda əlaqəli mediafayllar

II Lüdovik (mac. II. Lajos; çex. Ludvík Jagellonský; slovak. Ľudovít II; 1 iyul 1506, Buda – 29 avqust 1526) — Macarıstan-Xorvatiya və Bohemiya kralı. Osmanlıların Mərkəzi Avropada qazandığı ilk qələbə olan Moxac döyüşündə həlak oldu.

1506-cı ildə Budada dünyaya gəldi. Atası Macarıstan-Xorvatiya və Bohemiya kralı olan II Vladislav, anası isə Araqon kralı II Xuanın nəticəsi Foks-Kandallı Annadır. Vaxtından öncə doğuldu və yaşaması möcüzə olaraq görüldü. Gələcəkdə taxta çıxmasında problem yaranmaması adına, hələ atasının sağlığında ikən tacqoyma mərasimi keçirildi. 4 iyun 1508-ci ildə Sekeşfexervar kafedralında Macarıstan-Xorvatiya uniyasının, 11 mart 1509-cu ildə Praqadakı Müqəddəs Vit kafedralında isə Bohemiya kralı elan olundu.

1515-ci ildə baş tutan Vyana məclisində alınan qərara əsasən, Müqəddəs Roma imperatoru I Maksimilyanın nəvəsi Avstriyalı Mariya ilə evləndi. Eyni səbəblərlə, bacısı Anna da imperatorun digər nəvəsi Ferdinandla evləndirildi. 1516-cı ildə atasının vəfatından sonra onun sahib olduğu taxt-taclara yiyələndi. Ancaq hələ 10 yaşı vardı və bu səbəblə atasının müttəfiqi imperator I Maksimilyan tərəfindən himayə edildi.

Səltənətinin böyük bir qismində yerli zadəganların əlində oyuncaq oldu və hətta saray ehtiyaclarını qarşılamaq üçün öz zinyət əşyalarını girov qoymağa məcbur olmuşdu. Saray gəlirlərini öz cibinə toplayan naibləri arasındakı anlaşmazlıq və hərc-mərclik isə mərkəzi hakimiyyəti zəiflətdi.

Yeni taxta çıxan Osmanlı sultanı I Süleymanın illik xəracı alması məqsədilə göndərdiyi elçinin öldürülməsi tərəflər arasında münasibətlərin kəsilməsinə səbəb oldu. Roma papası X Lev və imperator V Karl başda olmaqla, digər xristian dövlətlərinə güvənirdi. Ancaq onlardan gözlədiyi hərbi dəstəyi ala bilmədi. Beləcə, tərəflərin qarşı-qarşıya gəldiyi Moxac döyüşündə ağır məğlub oldu. Təxminən 2 saat davam edən döyüşün ardından 20 yaşlı II Lüdovik döyüş meydanından qaçdığı əsnada bataqlığa düşərək həlak oldu.

Onun ölümündən sonra sahib olduğu taxt-tac uğrunda bacısının əri I Ferdinand Osmanlılarla mübarizə apardı.