Qurduqulu rayonu (1935–1992-ci illərdə Oktemberyan rayonu, 1992–1995-ci illərdə Armavir rayonu) — Ermənistan SSR və Ermənistan Respublikasının ərazisində mövcud

Qurduqulu rayonu 1930-cu il sentyabrın 9-da yaradılmışdır. Toponim "qurd" türk etnonimi ilə Qulu şəxs adı əsasında əmələ gəlib "qurd tayfasından olan Qulunun saldığı, inşa etdiyi kənd" mənasını ifadə edir.

1948-ci ilə dair rəsmi statistikaya əsasən rayonun ərazisi 677 km² olmuşdur. Onun inzibati mərkəzi respublika tabeli Sərdarabad şəhəri olmuşdur. Rayon mərkəzindən İrəvan şəhərinə olan məsafə 48 km-dir.

Rayonun ərazisi tarixi İrəvan xanlığının Sərdarabad mahalını, Çar Rusiyası dövründə isə İrəvan quberniyasının Eçmiədzin qəzasını əhatə etmişdir. Bura Ağrı vadisində yerləşir və onun Türkiyə ilə sərhədi boyu Araz çayı axır.

Ermənistan SSR Ali Soveti Rəyasət Heyətinin 2 mart 1935-ci il tarixli Fərmanı ilə rayonun adı dəyişdirilərək "Oktemberyan" qoyulmuşdur. 1992-ci ildən 1995-ci ilə, yəni ləğv edilənə qədər isə "Armavir" adlandırılmışdır. 1983-cü ildə rayonun ərazisi iki yerə bölünmüş və yeni Bağramyan rayonu təşkil olunmuşdur.

1988-ci ildən rayonun azərbaycanlı sakinləri yaşadıqları yerlərdən deportasiya edilmişlər.

1995-ci ildə Qurduqulu rayonu ləğv edilmiş və onun ərazisi Ermənistanın Armavir mərzinin inzibati ərazisinə daxil edilmişdir.

Ermənistan SSR Ali Soveti Rəyasət heyətinin müxtəlif fərmanları ilə rayon üzrə dəyişdirilmiş tarixi yer adları:

Qədim türk adı	İndiki adı	Dəyişdirilmə tarixi
Keçili	Mraqaşat	4. IV. 1946
Bədəl	Bədəl	…
Bədəl	Yeğeknut	04.04.1946
Bağçalar	Bağçalar	03.01.1935
Bağçalar	Bağaran	03.07.1968
Sərdarabad	Armavir	03.01.1935
Kərimarx	Sovetakan	03.01.1935
Sərdarabad	Hoktemberyan	03.01.1935
Molla Bəyazid	Bambaşakat	03.01.1935
Ağcaarx	Arevik	04.04.1946
Armudlu	Tandzut	04.04.1946
Ərtik	Voroşilov	27.07.1940
Köçərli	Mrqaşat	04.04.1946
Kələkarx	Şenavan	04.04.1946
Cəfərabad	Getaşen	04.04.1946
Təpədibi	Haykavan	04.04.1946
Çubuqçu	Vardanaşen	04.04.1946
İydəli	Pştavan	10.04.1947
Uzunoba	Arqavand	10.04.1947
Quzugedən	Haygeşad	19.04.1950
Quru Araz	Yerasxaun	19.04.1950
Böyük Şəhriyar	Nalbandyan	19.04.1950
Evcilər	Arazap	10.04.1947
Xeyirbəyli	Yervandaşat	25.05.1967
Şalıbulaq	Uşakert	03.07.1968
Kiçik Şəhriyar	Nor Araqes	03.07.1968
Goran	Nor Kesaria	14.01.1969
Qamışlı	Zartonk	25.01.1978

• Qərbi Azərbaycan
• Azərbaycanlıların Qərbi Azərbaycandan deportasiyası
• Erməni əhalisinin tarixi miqrasiyası
• Sərdarabad mahalı