Məqbərətüs-Sufiyyə (ərəb. مقبرة الصوفية‎; azərb. Sufi qəbiristanlığı‎) — Dəməşqdə yerləşən tarixi qəbiristanlıq.

Bu qəbiristanlıq Dəməşqin Bərməki adlanan ərazisində yerləşir. Qəbiristanlığın nə vaxt salındığı mənbələrdə açıq qeyd olunmasa da Əyyubilər və ya erkən Məmlüklər dövründə formalaşmağa başladığı ehtimal olunur. XX əsrin əvvəlində, Fransız mandatı dövründə Dəməşqdəki şəhərsalma layihələri çərçivəsində qəbiristanlığın böyük bir hissəsi dağıdılmış, bu ərazidə Dəməşq Universiteti və xəstəxana binaları tikilmişdir. Fransızlar tərəfindən İbn Teymiyyə və İbn Kəsirin qəbirlərinin dağıdılmasının qarşısının alınması üçün Əbdüləziz ibn Səud şəxsən təşəbbüs göstərmiş və bunun qarşısını almağa çalışmışdır.

Qəbiristanlığın belə adlanması təsadüfi deyildir. Əsəsən sufi təriqətlərinə mənsub şeyxlərin, zahidlərin dəfn olduğu yer olduğundan buraya Sufi qəbiristanlığı deyilmişdir. Qəbiristanlıq Harun ər-Rəşidin vəziri Cəfər əl-Bərməkinin və ailə üzvlərinin burada dəfn olunmasına görə Bərməki qəbiristanlığı da adlandırılır.

Burada dəfn edilmiş bəzi tanınmış şəxslər bunlardır:

• İbn Kəsir
• İbn Teymiyyə
• İbn əs-Salah
• Fəxrəddin ibn Əsakir
• Cəfər əl-Bərməki

• Babüs-Sağir qəbiristanlığı