Zinaida Gippius 8 (20) noyabr 1869[…], Belyov, Tula quberniyası[d], Rusiya imperiyası – 9 sentyabr 1945[…], Paris, Fransa — rus yazıçısı, dramaturq, tənqidçi, r

Zinaida Gippius
Zinaida Gippius
	rus. Зинаида Николаевна Гиппиус
Doğum adı	Зинаида Николаевна Гиппиус
Təxəllüsü	Антон Крайний, Anton Krajnij, Lev Pushchin, Camarada Herman, Roman Arensky, Anton Kirsha, Nikita Vecher, V. Vitovt
Doğum tarixi	8 (20) noyabr 1869[…]
Doğum yeri	Belyov, Tula quberniyası[d], Rusiya imperiyası;
Vəfat tarixi	9 sentyabr 1945[…] (75 yaşında)
Vəfat yeri	Paris, Fransa;
Dəfn yeri	Sent-Jenevyev-de-Bua rus qəbiristanlığı[d];
Həyat yoldaşı	Dmitri Merejkovski (1889–?)[…];
Fəaliyyəti	şair, yazıçı, dramaturq, ədəbi tənqidçi, nasir
Fəaliyyət illəri	1888–1941
Əsərlərinin dili	rus dili, fransız dili
İstiqamət	simvolizm
Janrlar	poeziya, nəsr, memuar, ədəbi tənqid
	Vikianbarda əlaqəli mediafayllar

Zinaida Gippius 8 (20) noyabr 1869^[…], Belyov, Tula quberniyası^[d], Rusiya imperiyası – 9 sentyabr 1945^[…], Paris, Fransa — rus yazıçısı, dramaturq, tənqidçi, rus simvolizminin nümayəndəsi.

Alman əsilli hüquqşünas ailəsində doğulub. Kiyevdə qızlar institutuna və Moskvada gimnaziyaya daxil olsa da, xəstəliyinə görə təhsilini yarımçıq qoyub və evdə lisey müəllimlərindən dərs alıb. Kiçik yaşlarından şeir yazmağa başlayıb. 1888-ci ildə "Şimal xəbərləri" jurnalında dərc edilən "İthaf" və "Nəğmə" şeirləri ilk mətbu əsərləridir. İlk nəsr əsərləri "Yeni insanlar" (1896), "Ayna" (1898) adlı kitablarında toplanmışdır. 1904-cü ildə çap olunan "Şeirlər toplusu. 1889–1903" adlı ilk şeir kitabı rus poeziyasında modernizmi zənginləşdirmişdir. Dövrünün inqilabi hərəkatının iştirakçılarından bəhs edən "Al-qırmızı qılınc" (1906) hekayələr toplusunun, "Lalələrin rəngi" (1908) dramının müəllifidir. 1920-ci ildən Parisdə yaşayıb. Onun təşəbbüsü əsasında xaricdə rus mədəniyyətinə maraq oyatmaq, müxtəlif mühacir ədəbi dairələri birləşdirmək məqsədilə Parisdə "Yaşıl çıraq" (1927–1939) cəmiyyəti yaradılıb. "Sonuncu dairə" (1972, bitməyib) poeması, esse və ədəbi-tənqidi məqalələri var.