Xabier Alonso Olano (25 noyabr 1981[…]) — ispan futbol məşqçisi və keçmiş futbolçu. Xabi Alonso karyerasına doğulduğu Xipuskoa vilayətinin paytaxtı San-Sebastya

Xabi Alonso
Xabi Alonso
	isp. Xabi Alonso
Ümumi məlumatlar
Doğum tarixi	25 noyabr 1981[…] (44 yaş)
Vətəndaşlığı	İspaniya;
Boyu	183 sm
Çəkisi	76 kq
Mövqeyi	yarımmüdafiəçi
Karyerası
Gənclik karyerası
	Antiquoko
Klub karyerası
Milli yığma
Məşqçi karyerası
2019–2022	Real Sociedad B
2022–2025	Bayer 04
2025–2026	Real Madrid
Təltif və medalları
Dünya çempionatları
Dünya çempionatları
Qızıl	CAR 2010
Konfederasiyalar kubokları
Bürünc	CAR 2009
Avropa çempionatları
Qızıl	Avstriya/İsveçrə 2008
Qızıl	Polşa/Ukrayna 2012
	Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 12 may 2014 tarixində redaktə olunub.; Rəsmi oyunlarda milli yığmanın heyətində keçirdiyi oyunların və vurduğu qolların sayı, 11 may 2014 tarixində redaktə olunub.;
	Vikianbarda əlaqəli mediafayllar

Xabier Alonso Olano (25 noyabr 1981^[…]) — ispan futbol məşqçisi və keçmiş futbolçu. Xabi Alonso karyerasına doğulduğu Xipuskoa vilayətinin paytaxtı San-Sebastyanın futbol klubu olan Real Sosyedadın əsas komandasında başladı. SD Eibarda icarə əsasında qısa müddət oynadıqdan sonra o, keçmiş klubu Real Sosyedadın baş məşqçisi Con Toşakın təşəbbüsü ilə bu kluba kapitan olaraq geri döndü. Xabi Alonso 2002–2003 mövsümündə Real Sosyedadın La Liqanı ikinci yerdə başa vurmasında əvəzedilməz rolu oldu. O avqust 2004-cü ildə 10,5 milyon funt sterlinqlik müqavilə əsasında Liverpula transfer edildi. O, Liverpuldakı ilk mövsümündə UEFA Çempionlar Liqasının finalında həlledici qol vurdu və UEFA Çempionlar Liqasını qazandı. Sonrakı mövsüm o, FA Kuboku və FA Community Shield kubokunu qazandı. O, 2009–2010 mövsümünün başlanğıcında 30 milyon funt sterlinq-ə yaxın dəyəri olan müqavilə əsasında Real Madridə transfer edilib. O,2003-cü ilin aprelində keçirilmiş İspaniyanın Ekvadora 4–0 qalib gəldiyi oyunda milli yığmada ilk oyununu keçirdi. İspaniya milli futbol komandasında oynadığı müddət ərzində o, Avro 2008, Avro 2012 və 2010 Dünya Kubokunu qazanmaqla yanaşı Avro 2004 və 2006 Dünya Kubokunda ölkəsini təmsil etmişdir. 23 iyun 2012-ci ildə Xabi Alonso Avro 2012-nin dörddəbir final mərhəsində Fransaya qarşı İspaniya milli futbol komandasının şərəfini 100-cü dəfə qorudu. Onun həm yubileyi, həm də İspaniyanın yarımfinal mərhələsinə yüksəlməyinə səbəb olmuş Fransaya vurduğu qol böyük təntənə ilə qeyd edildi.

Həyatı

Xabi Alonso 25 noyabr 1981-ci ildə məşhur futbolçu ailəsində anadan olmuşdur. Onun atası Periko Alonso Real Sosyedad komandasında oynayarkən komandası iki mövsüm ard-arda La Liqa çempionu oldu və karyerasındakı üçüncü çempionluğunu Barselonaya transfer olunduqdan sonra əldə etdi. O, həmçinin karyerası boyunca 21 dəfə İspaniyanın şərəfini qorumuşdur. Xabi Alonso kiçik bask şəhərciyi Tolosada anadan olmuşdur. Həyatının ilk altı ilini Barselonada keçirən Xabi Alonso sonradan ailəsi ilə birlikdə San-Sebastyana köçdü. Bu şəhərdə onda futbola qarşı ehtiras əmələ gəldi. Belə ki, o, uşaqlığını "Playa de la Konça" (Balıqqulağı çimərliyi) adlanan çimərlikdə futbol oynayaraq keçirirdi. O, bu illərdə tanış olduğu Mikel Arteta ilə arasında başlayan dostcasına rəqabətin oyun texnikasına faydalı olduğunu söyləmişdir. Atası futbola sıx bağlanan Xabini və böyük qardaşı Mikeli tez-tez birlikdə məşq etmək üçün Sabadelin məşq meydançasına aparırdı. Xabi Alonso atasının oyun üslubunun təsiri altında qol atmaqdansa yaxşı top ötürməyi daha çox sevirdi. Kiçik yaşda o, yarımmüdafiəçi olaraq oynamağa qərar verdi. Bu qərar ona topla rəftarının yaxşılaşmasında böyük rolu oldu. Sonralar Xabinin bu bacarığı onun klub və milli yığma karyerasının ayrılmaz hissəsinə çevrildi.
O, 15 yaşında olarkən ingilis dilini öyrənmək üçün məktəb mübadilə proqramı çərçivəsində İrlandiyanın Kells qəsəbəsinə getdi.
Xabi Alonso və Mikel Arteta olduqca iddialı idilər və onların Real Sosyedadda birlikdə oynamaq ən böyük arzuları idi.

Karyerası

Məşqçi karyerası

25 may 2025-ci ildə "Real Madrid" Xabi Alonsonun komandaya baş məşqçi təyin olunduğunu rəsmən elan edib.

2026 İspaniya Superkuboku finalında "Real Madrid"in "Barselona"ya 3–2 hesabı ilə məğlub olmasından bir gün sonra, 12 yanvar 2026-cı ildə klub qarşılıqlı razılaşma əsasında Alonso ilə yollarını ayırıb.

Statistika

Klub karyerası

Klub	Mövsüm	Liqa		Kubok¹		Liqa Kuboku		Avropa		Başqa²		Cəmi
Klub	Mövsüm	Oyun	Qol	Oyun	Qol	Oyun	Qol	Oyun	Qol	Oyun	Qol	Oyun	Qol
Real Sosyedad	1999–2000	0	0	1	0	–		0	0	–		1	0
Real Sosyedad	Total	0	0	1	0	–		0	0	–		1	0
Eibar	2000–01	14	0	0	0	–		0	0	–		14	0
Eibar	Total	14	0	0	0	–		0	0	–		14	0
Real Sosyedad	2000–01	18	0	0	0	–		0	0	–		18	0
	2001–02	29	3	0	0	–		0	0	–		29	3
	2002–03	33	3	1	0	–		0	0	–		34	3
	2003–04	34	3	0	0	–		8	1	–		42	4
	Total	114	9	1	0	–		8	1	–		123	10
Liverpul	2004–05	24	2	0	0	0	0	8	1	–		32	3
	2005–06	35	3	5	2	0	0	10	0	3	0	53	5
	2006–07	32	4	1	0	2	0	15	0	1	0	51	4
	2007–08	19	2	3	0	1	0	4	0	–		27	2
	2008–09	33	4	3	0	1	0	10	1	–		47	5
	Ümumi	143	15	12	2	4	0	47	2	4	0	210	19
Real Madrid	2009–10	34	3	0	0	–		7	0	–		41	3
	2010–11	34	0	7	1	–		11	0	–		52	1
	2011–12	36	1	4	0	–		10	0	2	1	52	2
	2012–13	28	0	7	0	–		10	0	2	0	47	0
	2013–14	0	0	0	0	–		0	0	0	0	0	0
	Ümumi	132	4	18	1	–		38	0	4	1	192	6
Ümumi karyera		403	28	32	3	4	0	93	3	8	1	540	35

¹ O cümlədən FA Kuboku və Kral Kuboku

² O cümlədən UEFA Superkuboku, FIFA Club World Cup, FA Community Shield and Supercopa de España

Milli komanda karyerası

Xabi Alonso Avro 2008 çərçivəsində Zaltsburqda keçirilmiş Yunanıstan – İspaniya matçının başlanğıc heyətində

Milli komanda	Mövsüm	Oyun	Qol
İspaniya
	2002–03	1	0
	2003–04	10	0
	2004–05	6	0
	2005–06	12	1
	2006–07	8	0
	2007–08	10	2
	2008–09	14	4
	2009–10	15	4
	2010–11	10	1
	2011–12	16	3
	2012–13	5	0
Ümumi karyera		107	15

[club-3] Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 12 may 2014 tarixində redaktə olunub.

[national-4] Rəsmi oyunlarda milli yığmanın heyətində keçirdiyi oyunların və vurduğu qolların sayı, 11 may 2014 tarixində redaktə olunub.