Rəqəmsal əkiz — planlaşdırılan və ya mövcud olan real dünyadakı fiziki məhsulun, sistemin və ya prosesin (fiziki əkizin) rəqəmsal modeli. O, simulyasiya, inteqr

Rəqəmsal əkiz — planlaşdırılan və ya mövcud olan real dünyadakı fiziki məhsulun, sistemin və ya prosesin (fiziki əkizin) rəqəmsal modeli. O, simulyasiya, inteqrasiya, sınaq, monitorinq və texniki xidmət kimi məqsədlər üçün onun rəqəmsal ekvivalenti kimi xidmət göstərir.

Rəqəmsal əkiz, fiziki sistemin davranışını virtual mühitdə təqlid edən və həyat dövrü boyunca özünü yeniləmək üçün real vaxt məlumatları alan adaptiv modellər toplusudur. Rəqəmsal əkiz, fiziki sistemi təkrarlayaraq nasazlıqları və dəyişiklik imkanlarını proqnozlaşdırır, əməliyyat profilini müşahidə və qiymətləndirməklə optimallaşdırma və/və ya gözlənilməz hadisələrin qarşısını almaq üçün real vaxtda tədbirlər təklif edir. Rəqəmsal əkiz anlayışı daha əvvəl yaranmış olsa da (ümumiyyətlə kompüter simulyasiyasının təbii bir aspekti kimi), rəqəmsal əkizin ilk praktik tərifi 2010-cu ildə NASA tərəfindən kosmik aparatların fiziki model simulyasiyasını yaxşılaşdırmaq məqsədilə irəli sürülüb. Rəqəmsal əkizlər modelləşdirmə və mühəndislik sahəsində davamlı təkmilləşmənin nəticəsidir.