Qəpik (Azərbaycan) — Azərbaycan Respublikasında mübadilə olunan pul vahididir və Azərbaycan manatının 1⁄100 hissəsini təşkil edir.

Qəpik (Azərbaycan) — Azərbaycan Respublikasında mübadilə olunan pul vahididir və Azərbaycan manatının 1⁄100 hissəsini təşkil edir.

1991-ci ildə Azərbaycan Respublikasının müstəqilliyi bərpa edildikdən sonra, 1992-ci və 1993-cü illərdə ölkənin yeni pul vahidi olan Azərbaycan manatı ilə qəpik 5, 10, 20 və 50 nominallı sikkələr olaraq istifadəyə verilib.

İnflyasiya, qəpiyin 1990-ci illərdə və 2000-ci illərin başında dəyərini itirməsinə və dövriyyədən çıxmasına səbəb olsa da, qanuni ödəmə vasitəsinin statusu saxlandı.

28 dekabr 2005-ci ildə Yeni Azərbaycan manatı istifadəyə verilincə, qəpik yenidən bərpa edilib. Yeni qəpik 1, 3, 5, 10, 20 və 50 nominallı sikkələr olaraq istifadəyə verilib.

Köhnə və yeni qəpiklərin xarakteristikaları və tədavül tarixləri

Köhnə qəpikin 1992-1993-cü illərdə tədavülə buraxılan sikkə nümunələri


Nominal	İl	Material (Metal)	Diametr, mm	Qalınlıq, mm	Kütlə, qr	Qurt
5 qəpik	1992	Tunc	17	1,35	2,35	Hamar
5 qəpik	1993	Alüminium	16,5	1,5	0,85
10 qəpik	1992	Alüminium	19	1,6	0,98
20 qəpik	1992	Tunc	19,5	1,45	3,2
	1992	Alüminium	20	1,5	1,12
	1993	Alüminium	20	1,5	1,12
50 qəpik	1992	Nikel	23	1,5	5,1
	1992	Alüminium	23	1,6	1,51
	1993	Alüminium	23	1,6	1,51

Yeni qəpikin 2005-ci ildə tədavülə buraxılan sikkə nümunələri


Nominal	Material (Metal)	Diametr, mm	Qalınlıq, mm	Kütlə, qr	Qurt
1 qəpik	Mis/Polad/Mis	16,25	1,9	2,8	Hamar
3 qəpik	Mis/Polad/Mis	18	2,15	3,45	Kəsik- kəsik
5 qəpik	Mis/Polad/Mis	19,75	2,2	4,85	Büzməli
10 qəpik	Bürünc/Polad/Bürünc	22,25	1,95	5,25	Hamar- 7 oyuq
20 qəpik	Bürünc/Polad/Bürünc	24,25	2,1	6,6	Kəsik- kəsik
50 qəpik	Halqa: Polad Ortası: Bürünc/Polad/Bürünc	25,5	2,2	7,7	Kəsik- kəsik Azərbaycan Respublikası

Həmçinin bax

Qəpik