Qreysi Mediqan Abrams (7 sentyabr 1999, Los-Anceles, Kaliforniya) — ABŞ müğənnisi, mahnı yazarı. O, 66-cı Qremmi mükafatları mərasimində "Ən yaxşı yeni artist"

Qreysi Abrams
Qreysi Abrams
	ing. Gracie Abrams
Ümumi məlumatlar
Doğum adı	Gracie Madigan Abrams jonson
Doğum tarixi	7 sentyabr 1999 (26 yaş)
Doğum yeri	Los-Anceles, Los-Anceles dairəsi, Kaliforniya, ABŞ;
Atası	Cey Cey Abrams
Musiqiçi məlumatları
Fəaliyyəti	müğənni, müğənni-bəstəkar, mahnı yazarı[d]
Fəaliyyət illəri	2019-cu ildən
Janr	bedrum pop[d]
Musiqi aləti	gitara
Albom şirkəti	Interscope Records
	gracieabrams.com
	Vikianbarda əlaqəli mediafayllar

Qreysi Mediqan Abrams (7 sentyabr 1999, Los-Anceles, Kaliforniya) — ABŞ müğənnisi, mahnı yazarı. O, 66-cı Qremmi mükafatları mərasimində "Ən yaxşı yeni artist" kateqoriyası üzrə "Qremmi" mükafatına namizəd göstərilmişdir.

Qreysi Abrams 2019-cu ilin oktyabrında debüt sinqlı olan "Mean It" mahnısını Interscope Records vasitəsilə yayımlamışdır. O, 2020-ci il iyulun 24-də "Minor" adlı debüt minialbomunu təqdim edib. Bu layihə üzərində prodüserlər Joel Little və Blake Slatkin ilə bərabər işləmişdir.

O, 2023-cü ildə müğənni Oliviya Rodriqonun həyata keçirdiyi "Sour Tour" konsert turunun açılışında çıxış edib. Qreysinin həmin il çıxardığı debüt studiya albomu olan "Good Riddance" Billboard 200 hit-paradına daxil olub. Eyni il o, Teylor Sviftin "Eras Tour" konsertində "openinq akt" etmişdir. İkinci studiya albomu "The Secret of Us"-ı 2024-cü ilin iyunun 21-də yayımlayıb. Bu albom Billboard 200-də ikinci pilləyə çataraq uğurlu kommersiya nəticəsi göstərmişdir.

Həyatı

Qreysi Abrams Los-Ancelesdə doğulub boya-başa çatmışdır. O, rejissor C.C. Abrams və kino və televiziya prodüseri Keyti Makqratın qızıdır. Ata tərəfi yəhudi, ana tərəfi İrlandiya katoliklərindədir. Qreysinin iki qardaşı var, böyük qardaşının adı Henri, kiçik qardaşınınkı isə Auqustdur.

O, mahnı yazmaqla hələ kiçik yaşlarından maraqlanmağa başlamış, ilk mahnısını səkkiz yaşında ikən yazmışdır. O, orta təhsilini Qərbi Los-Ancelesdə yerləşən "The Archer School for Girls"-də alıb. 2018-ci ildə bu məktəbi başa vurmuş və Nyu-Yorkdakı Barnard Kollecinə (Barnard College) qəbul olaraq beynəlxalq münasibətlər ixtisası üzrə təhsil almışdır. O, sonralar 2-ci kursda oxuyarkən təhsilini yarıda qoyaraq musiqi ilə məşğul olmaq qərarına gəlib.

Diskoqrafiya

Studiya albomları

Good Riddance (2023)
The Secret of Us (2024)

Mini-albomlar

Minor (2020)
This Is What It Feels Like (2021)