Pleyel & Ko — 1807-ci ildə bəstəkar İqnas Pleyel tərəfindən qurulan pianino istehsal edən Fransa şirkəti. 1815-ci ildə Pleyelin oğlu Kamil şirkətə tərəfdaş kimi

Pleyel & Ko — 1807-ci ildə bəstəkar İqnas Pleyel tərəfindən qurulan pianino istehsal edən Fransa şirkəti. 1815-ci ildə Pleyelin oğlu Kamil şirkətə tərəfdaş kimi qoşuldu. Şirkət Pleyelin alətlərini ən yaxşı ("non plus ultra") hesab edən Frederik Şopenə pianinolar təqdim edirdi. Pleyelin pianinolarından bəstəkarlar Klod Debüssi, Kamil Sen-Sans, Moris Ravel, Manuel de Faya və İqor Stravinski, pianoçular və müəllimlər Alfred Kortot, Filip Manuel və Qevin Uilyamson da istifadə ediblər.

Pleyel
Ümumi məlumatlar
Sənaye	musiqi aləti hazırlayan[d], sənaye
Məhsulu	piano
Təsis tarixi	1807
pleyel.com
Vikianbarda əlaqəli mediafayllar

1980-ci illərdə Pleyel iki digər Fransa piano istehsalçısını - "Erard" və "Gaveau"nu satın aldı. 2008-ci ildə şirkət modelləri məşhur dizaynerlər tərəfindən yaradılan yeni alətlər təqdim etdi. Yığmadan sonra belə bir pianino üçün 30-40 saat kökləmə tələb olunurdu. 2013-cü ilin sonunda şirkət Fransada piano istehsalını dayandıracağını elan etdi.

2009-cu ilin sentyabr ayında müasir pianoçu Pol Maknalti 1830-cu ilə aid Pleyel pianosunun replikasını yaratdı və bu pianino hazırda Varşavadakı Friderik Şopen İnstitutunun kolleksiyasındadır. Bu alət 2018-ci ilin sentyabr ayında Tarixi Alətlər üzrə Birinci Beynəlxalq Piano Müsabiqəsində istifadə edilmişdir.