Pilotsuz uçuş aparatı (PUA) (ing. unmanned aerial vehicle ; insansız hava aparatı), çox vaxt qısaca dron (ing. drone) kimi qeyd edilir — bortunda pilotu, heyəti və ya sərnişini olmayan uçuş aparatıdır. PUA-lara avtopilot sistemi, bort kompüteri, kommunikasiya sistemi, mürəkkəb sensor kompleksi və müxtəlif növ faydalı yüklər quraşdırılır. Eyni zamanda bəzi PUA modelləri silahla təmin olunur. Əksər PUA-lar kəşfiyyat, müşahidə və digər hərbi məqsədlər daşısa da, açıq mənbəli avtopilot sistemlərinin inkişafı PUA-ların şirkətlər və həvəskarlar tərəfindən istifadəsinə mühit yaradıb.

Etimologiya
İngilis dilində işlənən Unmanned Aerial Vehicle hərfi tərcümədə İnsansız Hava Aparatı deməkdir. Lakin, Azərbaycan dilində daha çox işlənən Pilotsuz Uçuş Aparatı ifadəsi Rus dilindəki Беспилотный Летательный Аппарат termininin hərfi tərcüməsidir.
Təsnifat
PUA-ları gövdə-motor konfiqurasiyasına və faydalı yükünə görə müxtəlif qruplara ayırmaq olar.
Gövdə-Motor konfiqurasiyası
- Dirijabl
- Avtojir
- Hava şarı
- Kopter (Multikopter, Helikopter)
- Sabit qanad (və ya Planer)
- Şaquli enmə-qalxma
Faydalı yük
- Müşahidə kameraları
- Xəritələmə kameraları
- Qripperlər
- Çiləyici avadanlıqlar
- Partlayıcı maddələr
Həmçinin bax
- Sarad
- DJI
vikipedia, viki, ensiklopediya, kitab, məqalə, oxumaq, pulsuz yüklə, PUA haqqında məlumat. PUA nədir? PUA nə deməkdir?