Mirça Eliadi (9 (22) mart 1907[…], Buxarest – 22 aprel 1986[…], Çikaqo, İllinoys) — din tarixçisi və filosof.

Mirça Eliadi 13 mart 1907-ci ildə Rumıniyanın paytaxtı Buxarestdə doğuldu. Uşaqlıq və gənclik illərində biologiya, xüsusilə botanika və entomologiya ilə maraqlanırdı, lakin illər keçdikcə marağı ictimai elmlərə keçdi və beləliklə filologiya və fəlsəfəyə maraq göstərdi. Buna görə də, fəlsəfə təhsili aldı. 1928-ci ildə Buxarest Universitetində fəlsəfə fakültəsini bitirdi. Tezisinin mövzusu İtaliya Renesans filosofları idi. Eyni ildə Sanskrit və Hind fəlsəfəsi öyrənmək üçün Kəlkətə getdi. Eliadi müəllimi Surendranath Dasguptadan təsirləndi. Himalayda Rişikeş Aşramda altı ay yaşadı. Dörd il sonra, 1932-ci ildə təhsilini bitirdikdən sonra Buxarestə qayıtdı döndü. 1933-cü ildə daha sonra Fransız dilində (fr. Yoga: Essai sur les origines de la Mystique Indienne ) yayımlanacaq dissertasiya işini yazdı. Adından da göründüyü kimi, doktorluq dissertasiyası yoqanın müxtəlif perspektivlərdən təhlili haqda idi. 1933-cü ildən 1939-cu ilə qədər Buxarest Universitetində fəlsəfə və din tarixi mövzuları başda olmaq üzrə, bir çox fərqli mövzuda dərs dedi.

Müharibə illərində İngiltərədə idi və döyüş sonunda Rumıniya Sovet idarəsinə keçdiyi zaman Rumıniyaya qayıdışı imkansızlaşdı. 1945-ci ildə Parisə getdi, qonaq professor olaraq École des Hautes Études-də çalışdı. 1951-ci ildə ən məşhur əsərlərindən biri olan "Şamanizm" dərc edildi. 1956-cı ildə Parisdən Amerikaya köçdü və Çikaqo Universitetində dərs dedi. Daha sonra, 1958-ci ildə Çikaqo Universitetində Dinlər Tarixi kürsüsünün başçılığına keçdi. 1961-ci ildə "Dinlərin tarixi" jurnalını təsis etdi. 1986-cı il aprelin 22-dən ölümünə qədər Çikaqo Universitetində işləməyə davam etdi və bir çox mühüm əsər yazdı.

Bu gün əsərləri bir-birindən fərqli dillərə tərcümə edilmiş Mirça Eliadi dinlərin tarixində ən vacib alimlərdən birinə çevrildi.