Kameo (ing. cameo) — məşhur şəxs tərəfindən ifa edilən və çox vaxt titrlərdə qeyd olunmayan qısamüddətli rol növü. Bu cür rollar kinoda, teatr tamaşasında, tele

Kameo (ing. cameo) — məşhur şəxs tərəfindən ifa edilən və çox vaxt titrlərdə qeyd olunmayan qısamüddətli rol növü. Bu cür rollar kinoda, teatr tamaşasında, televiziya və ya radio verilişlərində, habelə videooyunlarda yer ala bilər.

İngiliscə "cameo" sözünün birbaşa mənası "kameya", yəni "qiymətli daş üzərində kiçik oyma təsvir" deməkdir. Köçürülmüş mənada "kameya" ifadəsi "digər kiçik aktyor rolları fonunda kəskin şəkildə seçilən qısa rol" mənasında işlədilir. Adətən, tanınmış şəxslər tərəfindən ifa edilən bu cür qısa rollar xüsusi məzmun və ya süjet yükünə malik olmur, əksinə, mahiyyət etibarilə bədii əsərin ümumi kompozisiyasına bəzək xarakteri verən element kimi çıxış edir.