Juan Manuel (port. João Manuel) (3 iyun 1537 – 2 yanvar 1554, Lissabon) — Portuqaliya kralı III Juan və Avstriyalı Ketrinin yetkinlik yaşına çatan yeganə oğlu,

Juan Manuel
Juan Manuel
	port. João Manuel
Şəxsi məlumatlar
Doğum tarixi	3 iyun 1537
Vəfat tarixi	2 yanvar 1554 (16 yaşında)
Vəfat yeri	Lissabon, Portuqaliya;
Vəfat səbəbi	vərəm
Dəfn yeri	Jeronimuş monastrı[d];
Atası	III Con
Anası	Avstriyalı Ketrin
Həyat yoldaşı	Avstriyalı Yuanna (1552);
Uşağı	I Sebastiyan;
	Vikianbarda əlaqəli mediafayllar

Juan Manuel (port. João Manuel) (3 iyun 1537 – 2 yanvar 1554, Lissabon) — Portuqaliya kralı III Juan və Avstriyalı Ketrinin yetkinlik yaşına çatan yeganə oğlu, Portuqaliya infantı.

Həyatı

Juan Manuel 3 iyun 1537-ci ildə Evora sarayında dünyaya gəldi. Atası Portuqaliya kralı III Juan, anası isə Kastiliyalı Yuanna və Habsburqlu Filipin ən kiçik qızı Ketrin idi. Özündən öncə dünyaya gələn 4 qardaşı körpə yaşlarında vəfat etdiyi üçün hələ 2 yaşında ikən 1539-cu ildə Portuqaliya taxtının vəliəhdi — infant elan edildi. Bununla yanaşı səhhəti olduqca zəif idi. Yaxın qohumluq əlaqələri olan İspaniya və Portuqaliya monarx ailələri arasında baş tutan evliliklər gənc infantın zəif səhhətinin başlıca səbəbi olaraq görülür.

11 yanvar 1552-ci ildə Juan Manuel həm dayısı, həm də bibisi qızı olan Avstriyalı Yuanna ilə evləndirildi. Ancaq çox keçmədən 2 yanvar 1554-cü ildə Juan Manuel vəfat etdi. Onun ölüm səbəbi vərəm və ya diabet olaraq göstərilir. Ölümündən cəmi 18 gün sonra hamilə olan xanımı bir oğul övladı — gələcəkdə Portuqaliya kralı olan Sebastiyanı dünyaya gətirdi.