Gevork Əcəmyan (erm. Գևորգ Աճեմյան; 18 fevral 1932, Mənbic, Hələb mühafəzəsi – 27 dekabr 1998 və ya 31 dekabr 1998, Lion) — erməni ictimai-siyasi xadimi, ASALA

Gevork Əcəmyan (erm. Գևորգ Աճեմյան; 18 fevral 1932, Mənbic, Hələb mühafəzəsi – 27 dekabr 1998 və ya 31 dekabr 1998, Lion) — erməni ictimai-siyasi xadimi, ASALA terror təşkilatının yaradıcılarından biri.

Gevork Əcəmyan
q.erm. Գէորգ Աճեմեան
Doğum tarixi	18 fevral 1932(1932-02-18)
Doğum yeri	Mənbic, Hələb mühafəzəsi, Suriya
Vəfat tarixi	27 dekabr 1998(1998-12-27) (66 yaşında) və ya 31 dekabr 1998(1998-12-31) (66 yaşında)
Vəfat yeri	Lion
Təhsili	Beyrut Amerika Universiteti (–1958)
Fəaliyyəti	yazıçı, şair
Üzvlüyü	ASALA
Vikianbarda əlaqəli mediafayllar

1932-ci ildə Suriyada anadan olmuş, gənc yaşlarında Beyruta köçmüşdür. Beyrutdakı Amerikan Universitetində təhsil almış, oradaca kitab dükanı açmışdır. 1960-cı illər erməni mühacir ədəbiyyatının tanınmış nümayəndələrindən biridir, əsərləri ermənicə və ingiliscə yazılmış, ABŞ, SSRİ və Livanda nəşr olunmuşdur.

ASALA terror təşkilatının yaradılmasında böyük rolu olmuşdur. Təşkilatın siyasi xəttinin işlənib hazırlanmasında yaxından iştrak etmişdir. Əcəmyanın ən məşhur romanlarından biri Livandakı erməni gənclərindən bəhs edən "Ardqoxi jaranqordnera"dır.

1978–1989-cu illərdə "Spürk" jurnalının redaktoru olmuşdur. Jurnalda Qürgen Yanıkyanın müdafiəsinə yönəlmiş yazılarlarla, Naxçıvan və Qarabağdakı ermənləri təhrik edəcək məqalələrlə çıxış edirdi. Birinci Erməni Konqresinin təşkilat komitəsinin üzvü olmuşdur.

1998-ci ildə Parisdə vəfat etmişdir.