Fender — ABŞ-də yerləşən və dünya miqyasında çox məşhur bir gitara istehsalçısı şirkətdir. Əsası 1946-cı ildə Leo Fender tərəfindən qoyulmuşdur.

Fender
Fender
	Fender
Ümumi məlumatlar
Tipi	Şəxsi şirkət
Sənaye	Musiqi alətləri
Məhsulları	simli musiqi aləti, Gücləndirici, bas-gitara
Təsis tarixi	1946
Baş qərargahın yeri	Arizona, ABŞ
Struktur
İşçi sayı	Squier ; Gretsch ; Jackson Guitars ; Charvel ; Hamer Guitars ; Ovation guitar ; Takamine Guitars ; Tacoma
Rəhbərlik
Təsisçilər	Lari Tomas ; Ceyms Bronin
	Fender.com
	Vikianbarda əlaqəli mediafayllar

Fender — ABŞ-də yerləşən və dünya miqyasında çox məşhur bir gitara istehsalçısı şirkətdir. Əsası 1946-cı ildə Leo Fender tərəfindən qoyulmuşdur.

1950-ci ildə bir maqnitli Fender Esquire adlı elektrik gitaranı istehsal edən firma 1951-ci ildə həmin gitaranı modifikasiya edərək iki maqnitli Fender Broadcaster ilə əvəz edirlər. Sonradan bu gitaranın adı Telecaster olaraq dəyişdirilmişdi və bu gün həmin gitara peşəkar musiqiçilər arasında ən məşhur gitaralardan biridir. Elə həmin il ilə Leo Fender tarixdə ilk Fender Precision Bass bas-gitarasını ixtira edir və 1952-ci ildən bu gitaranın istehsalına başlanır. Bu gitara hal-hazırda bir çox musiqiçilər və istehsalçılar üçün bas-gitaranın etalonu hesab olunur.

1954-cü ildə Fender öz əfsanəvi Stratocaster gitarasını istehsal edir və bu gitara musiqi dünyasında bir növ inqilab edir. Bu gitaranın forması bir müddət gitara istehsalının tendensiyalarının gedişatını da müəyyən edir. Sonrakı illər Stratocaster'in modifikasiya olunmuş bir neçə modeli hazırlanır və əksəriyyəti indi də istehsal edilir.

1954 — Fender Stratocaster
1958 — Fender Jazzmaster
1960 — Fender Jazz Bass
1961 — Fender Bass V
1961 — Fender Bass VI
1962 — Fender Jaguar
1964 — Fender Mustang
1965 — Fender Coronado
1970 — The Black Strat
1987 — Fender Performer
1993 — Fender Prodigy
1995 — Fender Roscoe Beck Bass
2001 — Fender Jag-Stang
2005 — Fender Jaguar Baritone

1987-ci ildə Fender şirkəti, Los-Ancelesdən 180 mil uzaqlıqda, Meksikanın Ensenade şəhərində bir fabrik açır. Həmin fabrikdə ucuz qiymətə satılan gitaraların standart modellərinin istehsalına başlanır. Amerika zavodundakı yüksək keyfiyyətli və bahalı modellərin istehsalını şirkət Fender Custom Shop işinə başlayır. Şirkət sifarişli gitaraların və məşhur musiqiçilərin gitaralarının imzalı modellərinin istehsalına başlayır

1991-ci ildə şirkətin yaradıcısı Leo Fender Parkinsonun xəstəliyi səbəbi ilə dünyasını dəyişir.

2006-cı ildə Fender öz 60 illiyini qeyd etdi. 2007-ci ilin oktyabrında Fender və Kaman şirkəti elan etdi ki, Fender 117 milyon dollar qarşılığında Kaman Music Corporation-u əldə edib.