Azərbaycanca (AZ)
English (US)
Қазақша (KZ)
Lietuva (LT)
Türkçe (TR)
O'zbekcha (UZ)
Fərəh Əbdülrəhim qızı Şəkinskaya (28 aprel 1929, Bakı – 20 aprel 2016, Bakı) — Azərbaycan ictimai-siyasi və mədəniyyət xadimi, Azərbaycan Respublikasının əməkdar mədəniyyət işçisi (1998). Fərəh Şəkinskaya 1989–1993-cü illərdə mədəniyyət nazirinin müavini vəzifəsində işləmişdir.
| Fərəh Şəkinskaya | |
|---|---|
 Fərəh Şəkinskaya, 1977 | |
  | |
| 5 fevral 1991 – 22 yanvar 1993 | |
| Əvvəlki | vəzifənin adı dəyişdirilib |
| Sonrakı | Məlahət Babayeva |
  | |
| 27 yanvar 1989 – 5 fevral 1991 | |
| Sonrakı | vəzifənin adı dəyişdirilib |
| Şəxsi məlumatlar | |
| Doğum tarixi | 28 aprel 1929 |
| Doğum yeri |
|
| Vəfat tarixi | 20 aprel 2016 (86 yaşında) |
| Vəfat yeri | |
| Təhsili |
|
| Həyat yoldaşı |
|
| Uşağı |
|
| | |
| Təltifləri |  |
Həyatı
Fərəh Şəkinskaya 28 aprel 1936-cı ildə Bakı şəhərində ziyalı ailəsində dünyaya göz açıb. 1958-ci ildə Azərbaycan Sənaye İnstitutunu bitirib. 1958-ci ildə ilk əmək fəaliyyətinə Bakı Şin Zavodunda mühəndis kimi başlayıb. Azərbaycan LKGİ və Azərbaycan Kommunist Partiyasının üzvü olmuşdur.
Fərəh Şəkinskaya 1960–1970-ci illərdə Azərbaycan Kommunist Partiyası Mərkəzi Komitəsinin inspektoru, 1970–1978-ci illərdə Azərbaycan KP Nərimanov Rayon Komitəsinin katibi, 10 avqust 1978 – 27 yanvar 1989-cu illərdə Bakı Şəhər Soveti İcrayyə Komitəsinin Mədəniyyət İdarəsinin rəisi vəzifələrində işləmişdir.
27 yanvar 1989-cu ildə Fərəh Şəkinskaya Azərbaycan SSR Nazirlər Sovetinin fərmanı ilə Azərbaycan SSR mədəniyyət nazirinin müavini vəzifəsinə təyin edilmiş və təqaüd yaşına qədər, 1993-cü ilədək mədəniyyət nazirinin müavini vəzifəsini tutmuşdur.
Azərbaycan Respublikası müstəqillik əldə etdikdən sonra yeni yeni formalaşdırılan Azərbaycan Respublikası Nazirlər Kabinetində, Baş nazir Həsən Həsənovun təkidi ilə, Fərəh Şəkinskaya Azərbaycan Respublikası mədəniyyət nazirinin müavini vəzifəsinə təyin edilmişdir
Fərəh Şəkinskaya 1993-cü ildən 2012-ci ilədək Azərbaycan Dövlət Uşaq Filarmoniyasının direktoru olaraq bu önəmli mədəniyyət ocağına rəhbərlik etmişdir.
Fərəh Şəkinskaya Azərbaycan milli mədəniyyəti sahəsindəki xidmətlərinə görə 1998-ci ildə Azərbaycan Respublikasının Prezidenti Heydər Əliyevin Fərmanı ilə "Azərbaycan Respublikasının əməkdar mədəniyyət işçisi" fəxri adına layiq görülmüşdür.
Ailəsi
Fərəh Şəkinskaya görkəmli alim-geoloq, 1991–1998-ci illərdə Azərbaycan Respublikası Geologiya və Mineral Ehtiyatlar Komitəsinin Sədri Əkrəm Şəkinskinin (1929–1998) həyat yoldaşı idi.
Oğlu — polis general-mayoru Emin Şəkinski Azərbaycan Respublikası Daxili İşlər Nazirliyində çalışıb. 2020-ci ildə vəfat edib.
vikipedia, viki, ensiklopediya, kitab, məqalə, oxumaq, pulsuz yüklə, Fərəh Şəkinskaya haqqında məlumat. Fərəh Şəkinskaya nədir? Fərəh Şəkinskaya nə deməkdir?