Emi Uaynhaus (ing. Amy Jade Winehouse; 14 sentyabr 1983[…] – 23 iyul 2011[…], Kamden[d], London, Birləşmiş Krallıq) — güclü kontralto səsi və eksentik musiqi ja

Emi Uaynhaus
Emi Uaynhaus
	brit. ing. Amy Winehouse
Ümumi məlumatlar
Doğum adı	Amy Jade Winehouse
Doğum tarixi	14 sentyabr 1983[…]
Vəfat tarixi	23 iyul 2011[…] (27 yaşında)
Vəfat yeri	Kamden[d], London, Birləşmiş Krallıq;
Vəfat səbəbi	spirtli içki intoksikasiyası[d]
Musiqiçi məlumatları
Fəaliyyəti	müğənni-bəstəkar, gitaraçı, cazmen, jazz guitarist[d], musiqiçi, səsyazma sənətçisi[d], müğənni, mahnı yazarı[d], bəstəkar
Fəaliyyət illəri	2000–2011
Janrlar	soul, ritm-n-blyuz, caz, neo soul[d], mavi göz soul[d], müasir R&B[d], reqqi
Musiqi alətləri	gitara, zərb qurğusu[d]
Səs tembri	kontralto
Albom şirkətləri	Universal Music Group, Island Records, Republic Records
Təhsili	Silviya gənc teatr məktəbi[d],; BRIT School[d];
	amywinehouse.com
	Vikianbarda əlaqəli mediafayllar

Emi Uaynhaus (ing. Amy Jade Winehouse; 14 sentyabr 1983^[…] – 23 iyul 2011^[…], Kamden^[d], London, Birləşmiş Krallıq) — güclü kontralto səsi və eksentik musiqi janrların qarışmasını ifa etməsi ilə məşhur, əsasən R&B, soul və caz, britaniyalı müğənni və mahnıların müəllifi. Tənqidçilər onu 2000-ci illərin aparıcı ifaçılardan biri kimi tanımışdılar. Səsi old school ifaçıları Ella Fitscerald, Dina Vaşinqton və Sara Voqanın səsinə bənzəyir. 2006-cı ildə çıxan Back to Black adlı albomu 5 Qremmi mükafatına layiq görülmüşdür. Ona görə də Ginnesin rekordlar Kitabına 5 dəfə Qremmi mükafatı alan birinci Britaniyalı kimi qeyd olunub. 2007-ci ildə "Ən yaxşı britaniyalı qadın ifaçı" kimi Brit Awards mükafatı almışdır. Uaynhaus 2011-ci il iyul ayının 23-də alkoqoldan zəhərlənərək ölüb.

Həyatı

Emi Ceyd Uaynhaus 1983-cü ilin sentyabrın 14-də Londonda Yəhudi ailədə anadan olmuşdur. Onun valideynləri – Rusiya imperiyasıdan mühacirət edənlər Yəhudilərin övladları idilər. Atası – taksist, Mitçell Uaynhaus (1950), anası isə dərmançı – Cenis Uaynhaus (qızlıqda Siton. 1955) 1976-cı ildə evləndilər, məşhur qızın doğumundan yeddi il öncə. Eminin böyük qardaşı – Aleks Uaynhaus – 1980-ci ildə anadan olmuşdu. Ailəsi həmişə musiqi dünyasının yanında idilər, əsasən caz dünyasının: bilinirki nənəsi (atasının anası) və məşhur britaniyalı cazmen Ronni Skott yaxın münasibətdə idilər; anasının qardaşları isə peşəkar caz musiqiçiləri idilər. Emi nənəsini o qədər sevirdi ki, onun adını əlindəki tatuda yazıb. Emi xatırlayırdı ki, uşağlıqda atası ona daim mahnı oxuyurdu (əsasən Frenk Sinatranın mahnıları); Emi də bu vərdişi alıb — beləliklə buna görə müəllimlərinə onu özünü sakit aparmağa təşvik etmək çətin idi. 1933-cü ildə Eminin valideynləri boşandılar, amma buna baxmayaraq uşaqlara birlikdə tərbiyə verməyə davam edirdilər.

Eşmoul məktəbində (ing. Ashmole School) sinif yoldaşları "The Feeling" qrupdan Den Gillespi Sells və "S Club 7" qrupdan Reyçel Stivens idilər. On yaşında olanda Culyet Eşbi adlı rəfiqəsi ilə Sweet 'n' Sour adlı rep qrupu yaradıb, 12 yaşında Silviya Yanq teatr məktəbinə daxil olub. İki il sonra onu dərslərlə məşğul olmadığından və burnunda pirsinq olduğu üçün oradan qovublar. İstisnadan əvvəl məktəbin başqa şagirdləri ilə The Fast Show-un bir epizodunda çəkilib.

14 yaşlı Emi ilk mahnılarını yazır və ilk dəfə narkotik qəbul edir. Bir il sonra o eyni vaxtda World Entertainment News Network-da və caz qrupunda əişləməyə başlayır. O vaxt olan oğlanı (oğlan dostu) – Tayler Ceymsin köməyi ilə EMI o birinci kontraktını imzalamış, çek alan kimi The Dap-Kings studiyaya Nyu Yorklu müğənnisinin, Şaron Naytın müşayiəti ilə dəvət edib, sonra da onlarla turneyə başlayıb.

Emi iki dəfə "Ivor Novello" mükafatına layiq görülüb. İlk albomu Frank (2003) "Mercury Prize" qazanıb. 2007-ci ildə ən yaxşı britaniyalı müğənni seçilib. İkinci albom "Back to Black" ona 6 "Qremmi" qazandırıb və bununla da Emi "Ginnesin rekordları kitabı"na düşüb.

On yaşında rəfiqəsi ilə rep qrupu yaradıb, 12 yaşında teatr məktəbinə daxil olub. On dörd yaşında davranışına görə oradan qovulub, ilk mahnısını yazıb və ilk dəfə narkotikin dadına baxıb.

Sonra caz qruplarında oxuyub, turnelərə çıxıb və 24 yaşında çoxdankı dostu Bleyk Filder-Sivillə ərə gedib, amma ailə onu xoşbəxt edə bilməyib.

Qərb mətbuatının "kokain şahzadəsi" adlandırdığı Emi Uaynhaus 2008-ci ildə xəstəxanaya düşüb və ona ciyər emfizeması diaqnozu qoyulub. 2009-cu ildə Emi öz rəqqasəsini döyməsilə göndəmə gəlib. 2010-cu ilin dekabrında isə uşaq teatrının inzibatçısı ilə dalaşdığına görə ona iki il şərti cəza və cərimə kəsilib.

Diskoqrafiya

Albomları:

Frank (2003)
Back to Black (2006)

Ölümündən sonra çıxan albomu:

"Lioness:Hidden Treasures" (2011)

Single'ları:

"Stronger Than Me " (2003)
" Take the Box " ; "In My Bed" / "You Sent Me Flying"; "Fuck Me Pumps" / "Help Yourself" (2004)
"Rehab" (2006)
"You Know I'm No Good" ; "Back to Black" ; "Tears Dry on Their Own" ; "Love Is a Losing Game" (2007)
"Just Friends" (2008)

Maraqlı faktlar

Məşhur musiqiçi "Aston Villa"ya çılğıncasına azarkeşlik edirdi. Həmişə qalmaqallarla gündəmə gələn Uaynhausun bu klubun tərəfdarı olması isə heç də hamının ürəyincə deyildi.