Eduard Vudstok və Qara şahzadə Eduard (ing. Edward of Woodstock; ing. Edward the Black Prince) (15 iyun 1330 – 8 iyun 1376, Vestminster sarayı, Böyük London reg

Qara şahzadə Eduard
Qara şahzadə Eduard
	ing. Edward, the Black Prince
Şəxsi məlumatlar
Doğum tarixi	15 iyun 1330
Vəfat tarixi	8 iyun 1376 (45 yaşında)
Vəfat yeri	Vestminster sarayı, Vestminster borosu, Böyük London, Böyük London regionu[d], İngiltərə;
Vəfat səbəbi	dizenteriya
Dəfn yeri	Kenterberi kafedralı;
Atası	III Eduard
Uşaqları	II Riçard;
Hərbi xidmət
Rütbəsi	cəngavər;
Döyüşlər	Yüzillik müharibə;
Təltifləri
	Vikianbarda əlaqəli mediafayllar

Eduard Vudstok və Qara şahzadə Eduard (ing. Edward of Woodstock; ing. Edward the Black Prince) (15 iyun 1330 – 8 iyun 1376, Vestminster sarayı, Böyük London regionu^[d]) — İngiltərə kralı III Eduardın ən böyük oğlu və İngiltərə taxtının vəliəhdi. Ancaq atasından daha öncə öldüyü üçün atasından sonra taxta onun oğlu Riçard çıxarıldı. Buna baxmayaraq Eduard Yüzillik müharibədə iştirak edən ən önəmli hərbçilərdən biri və yaşadığı dövrün ən güclü cəngavərlərindən biri idi. 1337-ci ildə atası tərəfindən Kornvol hersoqu elan edildi. 1338, 1340 və 1342-ci illərdə atasının yoxluğunda ona naib olaraq krallığı idarə etdi. 1343-cü ildə Uels şahzadəsi elan edildi və 1346-cı ildə atası tərəfindən cəngavər statusu verildi.

1346-cı ildə Kresi döyüşündə, 1349-cu ildə isə Kale döyüşündə iştirak etdi. Puatye döyüşündə Fransa kralı II Conu əsir aldı və 1 il sonra İngiltərəyə qayıtdı. 1360-cı ildə Fransa ilə aparılan sülh müzakirələrində iştirak etdi. 1362-ci ildə Akvitaniya və Qaskoniya şahzadəsi olaraq təyin edildi ancaq yerli zadəganlar tərəfindən onun bu ünvanı tanınmadı. Kastiliya və Navarra kralları ilə aparılan danışıqlarla bölgədə öz idarəçiliyini təmin etdi.

1371-ci ildə İngiltərəyə qayıdan Şahzadə Eduard ertəsi il Akvitaniya və Qaskoniya şahzadəsi ünvanından imtina etdi. 1376-cı ildə dizenteriya səbəbilə vəfat etdi və cənazəsi şəxsi əşyalarının qorunub saxlandığı Kenterberi kafedralına dəfn olundu.