1994-cü ilin mayın 28-də Azərbaycanın müstəqilliyi günündə "ANS ÇM" radiostansiyası efirə çıxdı. Stansiya, Zoologiya İnstitutunun binasında kirayəyə götürülmüş

ANS ÇM
ANS ÇM
Ölkə	Azərbaycan
Dil	Azərbaycan dili
Baş qərargah	Bakı;
Yaranma tarixi	28 may 1994
Bağlanma tarixi	18 iyul 2016
Lisenziya	Onlayn / internet radio / media — hüquqi tənzimləmə
Sahibi	Vahid Mustafayev
Rəhbərlik	Vahid Mustafayev; Seyfulla Mustafayev
Şüar	Döyüş alnınıza yazılıb!; Birinci FM!
Qardaş kanallar	ANS TV
Mövcud

ANS ÇM Radiosu — Azərbaycanda ilk özəl radio kanalı.

Tarixçə

1994-cü ilin mayın 28-də Azərbaycanın müstəqilliyi günündə "ANS ÇM" radiostansiyası efirə çıxdı. Stansiya, Zoologiya İnstitutunun binasında kirayəyə götürülmüş kiçik bir otaqda fəaliyyət göstərirdi. Radio stansiyaya Vahid və Seyfulla Mustafayevlərin qardaşı Çingiz Mustafayevin adı verilib. ANS ÇM Radiosunun həftəlik yayımının ümumi həcmi 168 saat təşkil edir.

Milli Televiziya və Radio Şurasının 27 aprel 2007-ci il tarixli qərarı ilə "ANS" Müstəqil Yayım və Media Şirkətinə radio yayımı üçün 6 il müddətinə xüsusi razılıq (lisenziya) verilmişdir.

2014-cü ilin yazından etibarən "Qafqaz Top 10"luq layihəsini yayımlayır. Bu layihədə bütün Qafqaz xalqlarının, o cümlədən azərbaycanlı, erməni, gürcü və digər millətdən olan müğənnilərin mahnıları səsləndirilir. Layihə bəzi media orqanları tərəfindən tənqid edilmişdi. "Xəbərçi" verilişinin qonağı olmuş Mirşahin Ağayev açıqlamasında "ANS ÇM Milli Qəhrəman Çingiz Mustafayevin adını daşıyır, Azərbaycan Dövlət Radiosu hər gün saat 13:00-dan 14:00-a kimi erməni dilində verilişlər hazırlayır, CBC kanalı hər gün saat 16:00-dan 17:00-a kimi erməni dilində xəbərlər yayımlayır, Azərbaycanda erməni dilində sayt var (armenia.az), bu baxımdan ANS ÇM də dövlətin apardığı ideoloji siyasətə yaxındır" demişdi.

18 iyul 2016-cı ildə ANS TV ilə birlikdə fəaliyyətini dayandırmışdır.

16 fevral 2023-cü ildə fəaliyyətini internet yayımı ilə davam etdirir.

Həmçinin bax

ANS Şirkətlər Qrupu
ANS TV
ANS Press
Çingiz Mustafayev Fondu
Bakı Film