Konstitusiya Məhkəməsinin hakimi (1998–2010), Bakı Şəhər İcra Hakimiyyətinin başçısının müavini (1992), Azərbaycan Respublika Baş Prokurorunun xüsusi işlər üzrə

Ələddin Sultanov
Ələddin Sultanov
Azərbaycan Respublikasının Konstitusiya Məhkəməsinin hakimi
	1998 – 2010
Şəxsi məlumatlar
Doğum tarixi	31 iyul 1928
Doğum yeri	Gəncə, Gəncə qəzası, Azərbaycan SSR, ZSFSR, SSRİ;
Vəfat tarixi	31 mart 2020 (91 yaşında)
Vəfat yeri	Bakıxanov, Sabunçu rayonu, Bakı, Azərbaycan;
Fəaliyyəti	hüquqşünas
Rütbəsi	; III dərəcəli dövlət ədliyyə müşaviri
Təltifləri

Ələddin Camal oğlu Sultanov (31 iyul 1928, Gəncə – 31 mart 2020, Bakıxanov) — general-mayor.

Konstitusiya Məhkəməsinin hakimi (1998–2010), Bakı Şəhər İcra Hakimiyyətinin başçısının müavini (1992), Azərbaycan Respublika Baş Prokurorunun xüsusi işlər üzrə köməkçisi (1990), Azərbaycan SSR Ədliyyə Nazirliyinin Hüquqşünas kadrların Təkmilləşdirilməsi İnstitutunun prorektoru (1987), Azərbaycan SSR prokurorunun 1-ci müavini (1981), Naxçıvan MSSR prokuroru (1980), Bakı şəhər prokurorunun müavini, istintaq şöbəsinin rəisi (1979), Bakı şəhər Lenin (Sabunçu) rayonun prokuroru (1977), Lənkəran rayonun prokuroru (1970), Mingəçevir şəhər prokuroru (1967), Bakı şəhər 26 Bakı Komissarları adına (Səbail) rayonun prokurorunun müavini (1966), Bakı şəhəri Oktyabr (Yasamal) rayon Prokurorluğunda prokuror müavini (1963), Bakı şəhər prokurorluğun baş müstəntiqi (1959), Bakı şəhər Voroşilov (Nizami) rayonu prokurorluğun müstəntiqi (1956), Bərdə rayon prokurorluğun müstəntiqi (1952)

Həyatı

31 iyul 1928-ci ildə Gəncə şəhərində anadan olub. 1947-ci ildə Gəncə şəhərinin M. Ə. Sabir adına orta məktəbi bitirib, həmin ildə Azərbaycan Dövlət Universitetinin hüquq fakültəsinə daxil olub və 1952-ci ildə fərqlənmə ilə bitirib. General-mayor rütbəsini əldə edib.

Ailəli olmuşdur, 4 övladı var.

Ələddin Sultanov Azərbaycan SSR sənaye tikintisi naziriQurban Sultanovun qardaşıdır.

Fəaliyyəti

Əmək fəaliyyəti

1952-ci il Bərdə rayon prokurorluğunun müstəntiqi, 1956-cı il Bakı şəhəri Voroşilov (Nizami) rayonu prokurorluğun müstəntiqi, 1959-cu il Bakı şəhər prokurorluğunun baş müstəntiqi, 1963-cü il Bakı şəhəri Oktyabr (Yasamal) rayon prokurorluğunda prokuror müavini, 1966-cı il Bakı şəhəri 26 Bakı Komissarları (Səbail) rayonun prokurorunun müavini, 1967-ci il Mingəçevir şəhər prokuroru, 1970-ci il Lənkəran rayonun prokuroru, 1977-ci il Bakı şəhər Lenin (Sabunçu) rayonun prokuroru, 1979-cu il Bakı şəhər prokurorunun müavini, istintaq şöbəsinin rəisi, 1980-ci il Naxçıvan MSSR prokuroru, 1981-ci il Azərbaycan SSR prokurorunun 1-ci müavini, 1987-ci il Azərbaycan SSR Ədliyyə Nazirliyinin Hüquqşünas Kadrların Təkmilləşdirilməsi İnstitutunun prorektoru, 1990-cı il Azərbaycan Respublika Baş Prokurorunun xüsusi işlər üzrə köməkçisi, 1992-ci il Bakı Şəhər İcra Hakimiyyətinin Başçının müavini, aparatının rəhbəri olaraq çalışmışdır.

Ələddin Sultanov 14 iyul 1998-ci ildə Azərbaycan Respublikası Konstitusiya Məhkəməsi hakimi təyin olunmuşdur.

Mükafatları

26 may 1972-ci ildə Azərbaycan SSR Ali Soveti Rəyasət Heyətinin fəxri fərmanı
7 sentyabr 1981-ci ildə SSRİ Ali Soveti Rəyasət heyətinin fərmanı ilə 3-cü dərəcəli dövlət ədliyyə müşaviri rütbəsi.
26 may 1982-ci ildə SSRİ Ali Soveti Rəyasət Heyətinin fərmanı ilə "Xalqlar dostluğu" ordeni.
12 iyul 2003-cü ildə Azərbaycan Respublikası Prezidenti Heydər Əliyevin sərəncamı ilə "Tərəqqi" medalı
31 iyul 2008-ci ildə Azərbaycan Respublikası Prezidenti İlham Əliyevin sərəncamı ilə "Şöhrət" ordeni.

Filmoqrafiya

Xatirələr sahili filmində rol alan Ələddin Sultanov prokuror rolunda çəkilib. Həmin illərdə Ələddin Camal oğlu Sultanov Lənkəran rayonunun prokuroru vəzifəsində çalışıb.