Sabunçu rayonu (əvvəlki adı: Lenin rayonu) — Bakı şəhərinin rayonu. Azərbaycan Respublikası Ali Soveti Milli Şurasının 29 aprel 1992-ci il tarixli, 112 saylı Qə

Sabunçu rayonu
Sabunçu rayonu
	Gerb
	40°25′59″ şm. e. 49°57′00″ ş. u.HGYO
Ölkə	Azərbaycan;
Başçı	Adil Vəliyev
Tarixi və coğrafiyası
İlk məlumat	11 noyabr 1920
Sahəsi	244,3 km²;
Saat qurşağı	UTC+04:00;
Əhalisi
Əhalisi	330.611 nəf. (2024);
Rəqəmsal identifikatorlar
Telefon kodu	+994 12
Poçt indeksi	AZ1000
Digər
	sabunchu-ih.gov.az
	Xəritəni göstər/gizlə Sabunçu rayonu
	Vikianbarda əlaqəli mediafayllar

Sabunçu rayonu (əvvəlki adı: Lenin rayonu) — Bakı şəhərinin rayonu. Azərbaycan Respublikası Ali Soveti Milli Şurasının 29 aprel 1992-ci il tarixli, 112 saylı Qərarı ilə Bakı şəhərinin Lenin rayonu Sabunçu rayonu adlandırılmışdır.

Tarixi

29 aprel 1992-ci ildə Lenin rayonu adı dəyişdirilərək Sabunçu rayonu adlandırılmışdır. Həmçinin Sabunçu rayonunun mərkəzi olan Bakıxanov qəsəbəsi 1936-cı ildə qəsəbə statusu almış, Razin qəsəbəsinə adı verilmiş və 1992-ci ildə Bakıxanov qəsəbəsi adlandırılmışdır.

Mədəniyyəti

Sabunçu rayonu 10 qəsəbədən ibarətdir. Rayonda 5016 ailə olmaqla 20859 nəfər məcburi köçkün və 1635 ailə olmaqla 8318 nəfər qaçqın məskunlaşmışdır.

Rayonda 46 məktəb, 3 internat və 25 səhiyyə müəssisələri fəaliyyət göstərir. Sabunçu rayonu ərazisində müxtəlif mülkiyyət hüququna məxsus 75 sənaye, 53 tikinti, 9 nəqliyyat, 2 kənd təsərrüfatı və 370 ticarət obyekti və sair fəaliyyət göstərir.

Əhalisi

AzStat-ın 1 yanvar 2013-cü il tarixinə olan rəsmi məlumata əsasən rayonda 231.271 nəfər əhali yaşayır.

Etnik tərkib

Etnik qrup	13–22 aprel, 2009-cu il sa.
Etnik qrup	Sayı	%
cəmi	220 496	100%
azərbaycanlı	205 807	93.34%
rus	9 987	4.53%
tatar	2 611	1.18%
ukraynalı	1 139	0.52%
yəhudi	276	0.13%
digər	676	0.31%

İqtisadiyyatı

Məşğul əhalinin əsas hissəsi mədənçıxartma sənayesindən, rayonda fəaliyyət göstərən neft avadanlıqlarının istehsalı müəssisəsindən, çörək, fındıq və digər istehsal, ticarət, ictimai iaşə xidmət sahələrində çalışır.Hazırda rayon üzrə məşğul əhalinin sayı 30273 nəfər, o cümlədən sənayedə çalışanların sayı 8777 nəfər, tikintidə 1378 nəfər, büdcə təşkilatlarında 1210 nəfər, təhsildə 4860 nəfər, səhiyyədə 4296 nəfər, digər sahələrdə 9752 nəfərdir.