Şaşmakom (özb. shashmaqom, tac. шашмақом, fars. شش‌مقام‎) — Mərkəzi Asiyada yaranmış, indiki Tacikistan və Özbəkistan ərazisində inkişaf etmiş vokal-instrumenta

Şaşmakom islamdan əvvəlki dövrdə saray musiqisi kimi meydana çıxmışdır. Onun indiki halı IX–X əsrlərdə bir çox musiqi məktəbi təşkil edən Buxara sakinləri, əsasən də Buxara yəhudiləri tərəfindən formalaşdırılmışdır. XVI əsrin sonunda şəhər Buxara xanlığının paytaxtı olmuş və bu janrın yüksəlişinə gətirib çıxarmışdır. Bu dövr şaşmakom üçün klassik hesab edilir. Şaşmakom həm tacik, həm də özbək dillərində, həm müsəlmanlar, həm də yəhudilər tərəfindən ifa edilirdi. Buxara yəhudiləri XX əsrin əvvəllərinə qədər şaşmakomun əsas daşıyıcıları olaraq qalmışdılar.