Şahin Zinuvari Meğriyan (erm. Շահեն Մեղրյան; 2 yanvar 1952, Gülüstan, Şaumyan rayonu – 17 aprel 1993, Gülüstan, Dağlıq Qarabağ Respublikası) — Birinci Qarabağ m

Şahin Meğriyan
Şahin Meğriyan
	erm. Շահեն Մեղրյան
Şəxsi məlumatlar
Doğum tarixi	2 yanvar 1952
Doğum yeri	Gülüstan, Şaumyan rayonu, Azərbaycan SSR, SSRİ;
Vəfat tarixi	17 aprel 1993 (41 yaşında)
Vəfat yeri	Gülüstan, Dağlıq Qarabağ Respublikası;
Dəfn yeri	Yerablur;
Vətəndaşlığı	SSRİ; Dağlıq Qarabağ Respublikası;
Təhsili	İrəvan Dövlət Universiteti;
Hərbi fəaliyyəti
Mənsubiyyəti	Dağlıq Qarabağ Respublikası
Qoşun növü	Qondarma Dağlıq Qarabağ Müdafiə Ordusu
Döyüşlər	Birinci Qarabağ müharibəsi;
Təltifləri

Şahin Zinuvari Meğriyan (erm. Շահեն Մեղրյան; 2 yanvar 1952, Gülüstan, Şaumyan rayonu – 17 aprel 1993, Gülüstan, Dağlıq Qarabağ Respublikası) — Birinci Qarabağ müharibəsi iştirakçısı, Ermənistan terrorçusu, siyasətçisi, hərbi komandiri,, Qondarma DQR qəhrəmanı (2014). O, Şaumyan qartalı (erm. Շահումյանի արծիվ, translit. Shahumiani Ardziv) ləqəbi ilə tanınırdı.

Bioqrafiya

Şahin Zinuvari Meğriyan 2 yanvar 1952-ci ildə Goranboy rayonunun Gülüstan kəndində bir erməni ailəsində anadan olmuşdur. O, Gülüstan kəndində yerli bir məktəbi bitirdikdən sonra 1969-cu ildə İrəvan Dövlət Universitetinin iqtisadiyyat fakültəsinə daxil olmuşdur. 1975-ci ildə ali təhsilini başa çatdırdıqdan sonra Meğriyan Goranboy rayonunun manufaktura və istehsal üzrə baş iqtisadiyyatçısı olmuşdur.

Birinci Qarabağ müharibəsi

1988-ci ildə birinci Şaumyan müdafiə briqadasını qurmuşdur. O, 1990-cu ildə Daşnaksütun partiyasına qoşulmuşdur. Həmin il Meğriyan və dəstəsi Manaşid kəndi (indiki Mənşəli) yaxınlıqlarında baş verən döyüşlərdə azərbaycanlıları məğlub etmişdir. 1991-ci ildə o Şaumyan müdafiə qüvvələrinin komandiri təyin edilmişdir. Partizan müharibə aparan Meğriyan Ayaz Mütəllibov rəhbərliyindəki hökuməti tərəfindən "quldur dəstələrinin başçısı" adlandırmışdır. 28 dekabr 1991-ci ildə DQR Milli Məclisinin deputatı seçilmişdir. Şahin Zinuvari Meğriyan 17 aprel 1993-cü ildə helikopterlə İrəvana gedərkən qəzaya uğramış və həlak olmuşdur. 24 oktyabr 2014-cü ildə DQR milli qəhrəmanı adına layiq görülmüşdür.